Artificial Intelligence துறையில் கவனத்தை செலுத்த, Microsoft நிறுவனம் உலகம் முழுவதும் சுமார் 60,000 ஊழியர்களுக்கு விருப்ப ஓய்வு திட்டத்தை (Voluntary Separation) அறிவித்துள்ளது. இந்தியா உட்பட முக்கிய நாடுகளில் இந்த மாற்றம் அமலுக்கு வருகிறது.
பெரும் மாற்றம் ஏன்?
Microsoft நிறுவனம் தனது எதிர்கால வளர்ச்சியை முற்றிலும் AI தொழில்நுட்பத்தை மையப்படுத்தி மாற்ற திட்டமிட்டுள்ளது. இதில், 60,000 ஊழியர்களைக் கொண்ட இந்த விருப்ப ஓய்வு திட்டம், வைஸ் பிரசிடென்ட் லெவலுக்குக் கீழ் உள்ள ஊழியர்களுக்கு வழங்கப்படுகிறது. குறிப்பாக இந்தியா, அமெரிக்கா, கனடா மற்றும் இங்கிலாந்து நாடுகளில் இந்தத் திட்டம் நடைமுறைக்கு வருகிறது. டேட்டா சென்டர்கள், சேல்ஸ் மற்றும் மார்க்கெட்டிங் போன்ற முக்கிய துறைகள் இதில் சேர்க்கப்படவில்லை என்பது குறிப்பிடத்தக்கது.
முதலீட்டாளர்கள் கவனிக்க வேண்டியவை
இந்தத் திட்டம் நிறுவனத்திற்கு உடனடி செலவுகளை (One-time restructuring costs) அதிகரிக்கும். வரும் காலாண்டு முடிவுகளில் இந்தச் செலவுகள் பிரதிபலிக்கும் என்பதால், ஷார்ட்-டெர்ம் லாபத்தில் சரிவு ஏற்பட வாய்ப்புள்ளது. ஆனால், நீண்ட கால அடிப்படையில், பழைய பிசினஸ் லைன்களின் சம்பளச் செலவைக் குறைத்து, ஜெனரேட்டிவ் AI மற்றும் கிளவுட் கம்ப்யூட்டிங் துறையில் அதிக முதலீடு செய்ய இது வழிவகுக்கும்.
இதற்கு முன் நடந்தவை
இது புதிய முயற்சி அல்ல. முன்னதாக இந்த ஆண்டு நடந்த இதே போன்ற திட்டத்தில் 30%-க்கும் அதிகமான ஊழியர்கள் விருப்ப ஓய்வு பெற்றனர். தற்போது நிறுவனத்தின் பிடிமானம் AI துறையில் இன்னும் ஆக்ரோஷமாக மாறியுள்ளதால், பணியாளர் குறைப்பு நடவடிக்கையும் பெரிய அளவில் கையாளப்படுகிறது.
ரிஸ்க் என்ன?
முக்கிய திறமையாளர்கள் (Critical talent) வெளியேறினால், மென்பொருள் அல்லது கிளவுட் சேவைகளில் தற்காலிகத் தாமதங்கள் ஏற்பட வாய்ப்புள்ளது. எனவே, அடுத்த காலாண்டு அறிக்கையில் மேனேஜ்மெண்ட் தெரிவிக்கும் கருத்துகளையும், மறுசீரமைப்புக்கான செலவுகளையும் முதலீட்டாளர்கள் உன்னிப்பாக கவனிக்க வேண்டும்.