இந்திய ஐடி கம்பெனிகள்: பணியாளர் எண்ணிக்கையை குறைத்து, உற்பத்தி திறனை அதிகரிக்கும் புதிய உத்தி!

புதிய வேலைவாய்ப்புகளை குறைக்கும் ஐடி துறை!

இந்தியாவின் தகவல் தொழில்நுட்ப (IT) துறையில் ஒரு பெரிய மாற்றம் நிகழ்ந்து வருகிறது. முன்பு போல அதிக ஆட்களை வேலைக்கு எடுப்பதை தவிர்த்து, தற்போதைய ஊழியர்களின் திறனை மேம்படுத்தி, உற்பத்தி திறனை (Revenue per Employee) அதிகரிக்க பல முன்னணி நிறுவனங்கள் திட்டமிட்டுள்ளன.

TCS & Tech Mahindra: உற்பத்தியில் புதிய உச்சம்!

ஜூன் காலாண்டு முடிவுகளின்படி, டாட்டா கன்சல்டன்சி சர்வீசஸ் (TCS) தனது பணியாளர் எண்ணிக்கையை 3.1% குறைத்தும், ஒரு ஊழியரின் சராசரி வருவாயை (Revenue per Employee) 6.1% உயர்த்தியுள்ளது. அதேபோல், டெக் மஹிந்திரா (Tech Mahindra) பணியாளர் எண்ணிக்கையை 1.2% குறைத்து, ஊழியர்களின் வருவாயை 7.4% அதிகரித்துள்ளது.

இந்த மாற்றங்களுக்கு முக்கிய காரணம், செலவுகளை குறைத்தல், திட்டங்களை திறமையாக செயல்படுத்துதல் மற்றும் ஆர்டிஃபிஷியல் இன்டலிஜென்ஸ் (AI) போன்ற தொழில்நுட்பங்களின் பயன்பாடு ஆகும்.

மற்ற நிறுவனங்களின் நிலை என்ன?

இன்ஃபோசிஸ் (Infosys) தனது பணியாளர் எண்ணிக்கையை 1.3% அதிகரித்து, ஒரு ஊழியரின் வருவாயை 1.5% உயர்த்தியுள்ளது. ஹெச்சிஎல் டெக் (HCLTech) நிறுவனம் 0.3% பணியாளர் எண்ணிக்கையை அதிகரித்து, வருவாயை 2.6% உயர்த்தி உள்ளது. இவர்கள் புதிய பட்டதாரிகளை தொடர்ந்து எடுப்பதன் மூலம், வளர்சியையும் உற்பத்தி திறனையும் சமநிலைப்படுத்த முயற்சிக்கின்றனர்.

சவால்களும், எதிர்காலமும்

சில நடுத்தர நிறுவனங்களில் (Tier-II players) இந்த மாற்றம் சற்று கலவையாக உள்ளது. Mphasis நிறுவனம், பணியாளர் எண்ணிக்கையையும் வருவாயையும் உயர்த்தியுள்ளது. ஆனால், விப்ரோ (Wipro) மற்றும் எல்&டி டெக்னாலஜி சர்வீசஸ் (L&T Technology Services) போன்ற நிறுவனங்கள், பணியாளர் எண்ணிக்கையை அதிகரித்தும், ஒரு ஊழியரின் வருவாய் குறைந்துள்ளது. இது, எதிர்கால தேவையை கருத்தில் கொண்டு செய்யப்படும் முதலீடாக இருக்கலாம்.

AI-ன் பங்கு என்ன?

தற்போது, AI தொழில்நுட்பம் நேரடியாக வருவாயை உயர்த்தாவிட்டாலும், ஊழியர்களின் வேலைச்சுமையை குறைத்து, உற்பத்தி திறனை அதிகரிக்க உதவுகிறது. கிளவுட் கம்ப்யூட்டிங், சைபர் செக்யூரிட்டி போன்ற உயர் மதிப்பு சேவைகளில் கவனம் செலுத்தும் நிறுவனங்கள், இந்த உற்பத்தி திறன் மாற்றத்தில் சிறப்பாக செயல்படுகின்றன. எதிர்காலத்தில், இந்த புதிய உத்தி நிறுவனங்களின் லாப வரம்பை (Operating Margins) எப்படி பாதிக்கும் என்பதை முதலீட்டாளர்கள் உன்னிப்பாக கவனித்து வருகின்றனர்.