இந்தியாவில் உள்ள சைபர் Global Capability Centres (GCCs) வெறும் சப்போர்ட் ஹப்களாக இல்லாமல், உலகளாவிய கட்டளை மையங்களாக மாறியுள்ளன. தற்போது **51%** பன்னாட்டு நிறுவனங்களின் சைபர் பாதுகாப்பு முடிவுகள் இந்திய தலைமையின் கீழ் உள்ளன.
இந்தியா இப்போது வெறும் பேக்-ஆபிஸ் (Back-office) மட்டுமல்ல, உலகளாவிய சைபர் பாதுகாப்பின் மையப்புள்ளியாக உருவெடுத்துள்ளது. 'Secure in India 2026' அறிக்கையின்படி, GCC-களின் பங்கு வெறும் பராமரிப்பு பணிகளிலிருந்து மாறி, முக்கிய முடிவுகளை எடுக்கும் இடமாக மாறியுள்ளது.
தலைமை பொறுப்பில் இந்தியா
உலகம் முழுவதும் உள்ள பல முன்னணி நிறுவனங்களில், சைபர் பாதுகாப்பு குழுக்கள் நேரடியாக இந்தியாவில் உள்ள தலைமையின் கீழ் இயங்குகின்றன. முக்கியமாக, 25%-க்கும் அதிகமான GCC-கள், அந்தந்த நிறுவனங்களின் ஒட்டுமொத்த உலகளாவிய சைபர் பாதுகாப்பு பணியாளர்களில் பாதியைத் தன்னகத்தே கொண்டுள்ளன. அதுமட்டுமின்றி, 80% மையங்கள் உலகளாவிய சைபர் பாதுகாப்பு கமிட்டிகளில் அங்கம் வகித்து, டிஜிட்டல் பாதுகாப்பை உறுதி செய்வதில் முக்கிய பங்காற்றுகின்றன.
AI-ன் அதிரடி மாற்றம்
இந்த மாற்றத்திற்கு மிக முக்கியமான காரணம் 'ஆர்டிஃபிஷியல் இன்டெலிஜென்ஸ்' (AI). இந்திய திறமையாளர்கள் மூலம் AI கருவிகளை உருவாக்கி, பாதுகாப்பு அச்சுறுத்தல்களை உடனுக்குடன் கண்டறிவதிலும், ரிஸ்க் மேனேஜ்மென்ட்டிலும் நிறுவனங்கள் தீவிரமாக இறங்கியுள்ளன. இதனால், வெறும் செலவு குறைப்பு (Cost-cutting) என்பதைத் தாண்டி, அறிவுசார் சொத்துக்களை (Intellectual Property) உருவாக்கும் இடமாக இந்தியா மாறியுள்ளது. இது அந்நிய முதலீட்டிற்கு மிகப்பெரிய உத்வேகத்தை அளிக்கிறது.
சவால்களும் ரிஸ்க்குகளும்
அதே சமயம், AI பயன்பாடு புதிய சவால்களையும் கொண்டு வந்துள்ளது. Deepfakes மற்றும் தானியங்கி ஹேக்கிங் போன்ற நவீன ஆபத்துக்களை எதிர்கொள்ள அதிக கண்காணிப்பு தேவைப்படுகிறது. தரவு பாதுகாப்பு (Data Privacy) மற்றும் சர்வதேச விதிமுறைகளை கடைபிடிப்பது தற்போது மிகப்பெரிய சவாலாக உள்ளது. அதிக திறன் கொண்ட நிபுணர்களுக்கான போட்டி அதிகரித்துள்ள நிலையில், பாதுகாப்பான மற்றும் நிலையான வளர்ச்சியை உறுதி செய்யும் நிறுவனங்களே வருங்காலத்தில் சந்தையை ஆளப்போகின்றன.