Ericsson ConsumerLab-ன் புதிய ஆய்வின்படி, இந்தியாவில் 2030-க்குள் AI பயன்பாடு **43%** ஆக உயரும். இது Bharti Airtel மற்றும் Reliance Jio போன்ற நிறுவனங்களின் நெட்வொர்க் உள்கட்டமைப்பில் பெரும் மாற்றத்தைக் கோருகிறது.
நெட்வொர்க் மாறப்போகும் விதம்
Ericsson ConsumerLab-ன் சமீபத்திய அறிக்கை, இந்திய மொபைல் சந்தையில் மிகப்பெரிய மாற்றத்தைக் கணித்துள்ளது. 2030-ஆம் ஆண்டுக்குள், தினசரி மல்டிமோடல் AI பயன்பாடு 43%-ஐத் தொடும் என எதிர்பார்க்கப்படுகிறது. நாம் இதுவரை செய்து வந்த சாதாரண பிரவுசிங்கிலிருந்து மாறி, இனி டெக்ஸ்ட், வாய்ஸ் மற்றும் விஷுவல் டேட்டா ஒருங்கிணைந்த சிக்கலான செயல்பாடுகளுக்கு மாறப்போகிறோம்.
டெலிகாம் நிறுவனங்களுக்கு ஏன் தலைவலி?
இதுவரை நெட்வொர்க்குகள் 'டவுன்லோடு' செய்வதற்கே அதிக முக்கியத்துவம் கொடுத்தன. ஆனால், இனி வரும் AI பயன்பாடுகள் 'அப்லோடு' (Upload-heavy) அதிகம் தேவைப்படும் அம்சங்களைக் கொண்டவை. இதனால், Bharti Airtel, Reliance Jio மற்றும் Vodafone Idea போன்ற நிறுவனங்கள் தங்கள் அப்லிங்க் கெபாசிட்டியை உடனடியாக அதிகரிக்க வேண்டிய கட்டாயத்தில் உள்ளன.
முதலீட்டாளர்கள் கவனிக்க வேண்டிய Capex
இந்த வளர்ச்சிக்காக நிறுவனங்கள் 5G பைபர் மற்றும் நெட்வொர்க் விரிவாக்கத்திற்கு அதிக முதலீடு செய்ய வேண்டியிருக்கும் (Capex). இது நிறுவனங்களின் பேலன்ஸ் ஷீட்டில் கடன் சுமையை அதிகரிக்க வாய்ப்புள்ளது. எதிர்கால டேட்டா தேவையைப் பூர்த்தி செய்ய, இந்த நிறுவனங்கள் பணப்புழக்கத்தை (Cash flow) எப்படி நிர்வகிக்கப்போகிறார்கள் என்பதுதான் முதலீட்டாளர்களின் அடுத்த முக்கிய கண்காணிப்பு.
'AI சூப்பர் யூசர்கள்' மற்றும் சவால்கள்
2030-க்குள் மக்கள் தொகையில் 30% பேர் AI 'சூப்பர் யூசர்களாக' மாறுவார்கள் என அறிக்கை கூறுகிறது. இவர்களுக்கு லேட்டன்சி (Latency) எனப்படும் தாமதம் பிடிக்காது. சிறிய இடையூறு ஏற்பட்டாலும் இவர்கள் சேவையை விட்டு வெளியேற வாய்ப்புள்ளது. எனவே, தரம் மற்றும் வேகத்தை மிகச் சரியாக பராமரிக்க வேண்டிய நிர்பந்தத்தில் டெலிகாம் நிறுவனங்கள் உள்ளன. ஆட்டோமேட்டிக் ஏஜென்டிக் AI (Agentic AI) வளர்ந்து வரும் சூழலில், நிறுவனங்கள் தங்களின் நெட்வொர்க்கை இதற்கு ஏற்றவாறு மாற்றியமைக்க வேண்டியது கட்டாயமாகிறது.