ஐரோப்பிய ஒன்றியத்தின் (EU) புதிய விதிமுறைகளை எதிர்த்து Google நீதிமன்றத்தில் மேல்முறையீடு செய்துள்ளது. பயனர்களின் சர்ச் டேட்டாவை மற்ற நிறுவனங்களுடன் பகிர்ந்துகொள்ள வேண்டும் என்ற உத்தரவுக்கு எதிராக இந்த மோதல் வெடித்துள்ளது.
ஐரோப்பிய ஆணையம் (European Commission) வெளியிட்ட புதிய உத்தரவை எதிர்த்து Google அதிகாரப்பூர்வமாக சட்டப் போராட்டத்தைத் தொடங்கியுள்ளது. டிஜிட்டல் மார்க்கெட்ஸ் ஆக்ட் (Digital Markets Act - DMA) கீழ் கொண்டுவரப்பட்ட இந்த உத்தரவு, Google தனது சர்ச் டேட்டாவை போட்டியாளர்களுடன் பகிர்ந்துகொள்ள வேண்டும் என்றும், ஆண்ட்ராய்டு தளத்தை மற்ற நிறுவனங்கள் எளிதில் அணுகும் வகையில் மாற்ற வேண்டும் என்றும் கட்டாயப்படுத்துகிறது.
தனியுரிமை கவலைகள் (Privacy Concerns)
இந்த மேல்முறையீட்டின் மையப்புள்ளியாக Google வைப்பது 'பயனர் பாதுகாப்பு' மற்றும் 'தனியுரிமை'. மருத்துவத் தகவல்கள் மற்றும் தனிப்பட்ட தேடல் வரலாறுகள் (Private Search History) போன்ற உணர்திறன் மிக்க தகவல்களை பகிர்வது, பயனர்களின் நம்பிக்கையை சீர்குலைக்கும் என்றும், இது நிறுவனத்தின் பாதுகாப்பு கட்டமைப்பையே பாதிக்கும் என்றும் Google வாதிடுகிறது.
முதலீட்டாளர்கள் கவனத்திற்கு
Google-ன் வருவாயில் பெரும் பகுதியை ஈட்டித் தருவது அதன் சர்ச் மற்றும் ஆண்ட்ராய்டு பிரிவுகள் தான். இந்த டேட்டாவை competitors-உடன் பகிர்ந்து கொள்ள நேரிட்டால், நிறுவனத்தின் விளம்பர வருவாய் (Ad Revenue) மற்றும் சந்தை ஆதிக்கம் நீண்ட கால அடிப்படையில் பாதிக்கப்படலாம். முன்னதாக, 2018-ல் இதே ஆண்ட்ராய்டு விவகாரத்திற்காக ஐரோப்பிய ஒன்றியம் Google-க்கு சுமார் €4.3 பில்லியன் அபராதம் விதித்தது குறிப்பிடத்தக்கது.
தற்போது சந்தையில் DuckDuckGo போன்ற சிறிய சர்ச் என்ஜின்கள், சமமான போட்டித் தளம் (Level Playing Field) தேவை என்று கோரி வருகின்றன. நீதிமன்றத்தின் தீர்ப்பு, எதிர்காலத்தில் Google-ன் உலகளாவிய டேட்டா மேனேஜ்மென்ட் மற்றும் அதன் லாபத்தை நிர்ணயிக்கும் ஒரு மைல்கல்லாக அமையும் என்பதால், முதலீட்டாளர்கள் இந்த வழக்கின் போக்கை உன்னிப்பாக கவனிக்க வேண்டும்.