Glance-Google கூட்டணி: இனி ஆண்ட்ராய்டு டிவி-யே ஷாப்பிங் மால் தான்!

டிவியில் இனி ஷாப்பிங் செய்யலாமா?

மொபைல் போன்களின் லாக் ஸ்கிரீன்களில் (Lock-screen) கலக்கி வரும் Glance நிறுவனம், இப்போது தனது கவனத்தை பெரிய திரைகளுக்கு மாற்றியுள்ளது. இந்தத் தொழில்நுட்பம் டிவி பயன்படுத்தப்படாத நேரங்களில், அதாவது ஐடியல் மோடுவில் (Idle mode) தானாகவே செயல்படும். வெறும் ஸ்டாட்டிக் இமேஜ்களுக்கு பதிலாக, ஃபேஷன், டிராவல், வெல்னஸ் மற்றும் உணவு சார்ந்த பொருட்களைத் திரையிலேயே காட்டும்.

எப்படி வேலை செய்யும்?

பயனர்கள் தங்களது ரிமோட் அல்லது வாய்ஸ் கமாண்ட் (Voice commands) மூலம் பொருட்களைத் தேடி ஆர்டர் செய்ய முடியும். இது ஒரு வகையில் 'ஆம்பியன்ட் காமர்ஸ்' (Ambient commerce) என்று அழைக்கப்படுகிறது. ஏற்கனவே Samsung மற்றும் Airtel போன்ற நிறுவனங்களுடன் கூட்டு வைத்துள்ள Glance, இப்போது ஆண்ட்ராய்டு ஓஎஸ் (OS) உடன் நேரடியாக இணைவதால், கோடிக்கணக்கான பயனர்களை எளிதில் சென்றடையும்.

இதில் இருக்கும் ரிஸ்க் என்ன?

தொழில்நுட்ப ரீதியாக இது பெரிய முன்னேற்றமாக இருந்தாலும், சில சவால்களும் உள்ளன:

• பிரைவசி கவலைகள்: பயனர்களின் விருப்பங்களைத் தெரிந்துகொள்ள அதிகப்படியான டிராக்கிங் தேவைப்படும் என்பதால், பிரைவசி குறித்த கேள்விகள் எழுகின்றன.
• பயனர் எரிச்சல்: தேவையில்லாத விளம்பரங்கள் அல்லது ஷாப்பிங் விண்டோக்கள் டிவியின் அனுபவத்தைக் கெடுத்தால், பயனர்கள் இதனைத் தவிர்க்க வாய்ப்புள்ளது.
• கூகுள் பாலிசி: இது ஆண்ட்ராய்டு டிவி இயங்குதளத்தில் இருப்பதால், கூகுள் நிறுவனத்தின் விதிமுறைகள் மாறினால், நிறுவனத்தின் வணிகம் பாதிக்கப்படலாம்.

இந்தத் திட்டம் பயனர்களிடையே எந்தளவுக்கு வரவேற்பைப் பெறுகிறது மற்றும் விற்பனையை (Conversion) அதிகரிக்கிறதா என்பதைப் பொறுத்தே இந்த மாடலின் வெற்றி அமையும்.