இந்தியாவில் AI தொடர்பான கோர்ஸ்களுக்கு வரவேற்பு அதிகரித்துள்ளது. ஒவ்வொரு நிமிடமும் சுமார் **12** புதிய பயனர்கள் Coursera-வில் இணைகின்றனர். இந்திய சந்தையைக் கவர பிரத்யேக விலைக் குறைப்பு மற்றும் முன்னணி ஐடி நிறுவனங்களுடன் கூட்டு என Coursera காய் நகர்த்துகிறது.
சந்தையை பிடிக்கும் Coursera-வின் வியூகம்
உலக அளவில் தனது கால்தடத்தைப் பதித்து வரும் Coursera, இந்தியாவின் AI மற்றும் ஜெனரேட்டிவ் AI (Generative AI) துறையில் ஏற்பட்டுள்ள அபரிமிதமான தேவையைப் பயன்படுத்தி தனது பிடியை வலுப்படுத்தி வருகிறது. தற்போது நிமிடத்திற்கு 12 பேர் என்ற வேகத்தில் புதிய மாணவர்கள் AI கோர்ஸ்களில் சேர்ந்து வருவது அந்நிறுவனத்திற்கு பெரும் உற்சாகத்தை அளித்துள்ளது.
40% விலைக் குறைப்பு (Geo-pricing)
இந்தியாவின் விலை உணர்வு மிக்க (Price-sensitive) சந்தையைக் கருத்தில் கொண்டு, Coursera தனது சந்தா கட்டணத்தை சர்வதேச அளவை விட 40% வரை குறைத்துள்ளது. இந்த விலைக் குறைப்பு, அதிகப்படியான இந்திய இளைஞர்களை உலகத்தரம் வாய்ந்த கல்வித் தளத்திற்கு கொண்டு வர உதவும் என்று நிறுவனம் நம்புகிறது.
ஐடி நிறுவனங்களுடன் கூட்டணி
தனிநபர் மாணவர்களைத் தாண்டி, இந்தியாவின் ஐடி சேவைத் துறையுடன் நேரடித் தொடர்பை ஏற்படுத்தி வருகிறது Coursera. குறிப்பாக, 'Forward Deployed Engineers' எனப்படும் நிபுணர்களை உருவாக்கும் பயிற்சியில் கவனம் செலுத்துகிறது. கார்ப்பரேட் நிறுவனங்களில் AI தீர்வுகளைச் செயல்படுத்துவதில் உள்ள சிக்கல்களைத் தீர்ப்பதே இவர்களின் முக்கியப் பணி. இந்த நிறுவன ரீதியான ஒப்பந்தங்கள் (Enterprise partnerships) மூலம், வருமானத்தை வெறும் தனிநபர் சந்தாக்களில் மட்டும் குவிக்காமல், நிலையான மற்றும் பன்முகத்தன்மை கொண்ட வருவாய் ஆதாரங்களை உருவாக்க நிறுவனம் திட்டமிடுகிறது.
சவால்கள் என்ன?
வளர்ச்சிக்கான வாய்ப்புகள் பிரகாசமாக இருந்தாலும், இந்திய எட்-டெக் (EdTech) சந்தையில் நிலவும் கடும் போட்டி Coursera-விற்கு பெரிய சவாலாகும். மேலும், agresive pricing முறையானது நிறுவனத்தின் ப்ராஃபிட் மார்ஜினில் (Profit Margins) அழுத்தத்தை ஏற்படுத்தக்கூடும். தரமான உள்ளடக்கத்தை வழங்குதல் மற்றும் மாணவர்களுக்குத் தகுந்த வேலைவாய்ப்புத் திறனை மேம்படுத்துதல் ஆகியவற்றில்தான் இந்த நிறுவனத்தின் நீண்டகால வெற்றி அடங்கியுள்ளது.