ஏஐ (AI) தொழில்நுட்பத்தில் கொடிகட்டி பறக்கும் Anthropic, தனது செயல்பாடுகளை விரிவுபடுத்த Lambda நிறுவனத்துடன் **$35 பில்லியன்** மதிப்புள்ள பிரம்மாண்ட கிளவுட் கம்ப்யூட்டிங் ஒப்பந்தத்தை மேற்கொண்டுள்ளது.
செயற்கை நுண்ணறிவுத் துறையில் (AI) முன்னணியில் உள்ள Anthropic, தனது ஏஐ மாடல்களை வேகப்படுத்தவும், கட்டமைப்பை பலப்படுத்தவும் Lambda நிறுவனத்துடன் $35 பில்லியன் மதிப்பிலான ஒப்பந்தத்தில் கையெழுத்திட்டுள்ளது. இதற்காக டெக்சாஸ் மாகாணத்தில் Hut 8 நிறுவனத்தின் உதவியுடன் பிரத்யேக டேட்டா சென்டர் அமைக்கப்பட உள்ளது.
தொடரும் முதலீட்டு வேட்டை
Anthropic இந்த ஒப்பந்தத்துடன் மட்டும் நிற்கவில்லை. கடந்த சில வாரங்களில் மட்டும் வரிசையாக பல அதிரடி முதலீடுகளைச் செய்துள்ளது:
- Nscale உடன் $45 பில்லியன் ஒப்பந்தம்.
- Fluidstack உடன் $50 பில்லியன் ஒப்பந்தம்.
- SpaceX உடன் $45 பில்லியன் திறன் மேம்பாட்டு ஒப்பந்தம்.
இந்த நிறுவனங்கள் வரும் 2026, ஜூன் 1 அன்று தனது IPO-வை கொண்டு வரத் திட்டமிட்டுள்ளன. இதற்காகவே இவ்வளவு பெரிய அளவிலான உள்கட்டமைப்பு வசதிகளை நிறுவனம் முன்கூட்டியே தயார் செய்து வருகிறது.
முதலீட்டாளர்கள் கவனத்திற்கு: ரிஸ்க் என்ன?
Anthropic இன்னும் பங்குச்சந்தையில் பட்டியலிடப்படாத நிறுவனம் என்பதால், நேரடி முதலீடு செய்ய முடியாது. இருப்பினும், இதனுடன் இணைந்து பணியாற்றும் Hut 8, Nvidia போன்ற நிறுவனங்களை கவனிக்கலாம்.
முக்கியமாக, வல்லுநர்கள் ஒரு எச்சரிக்கையை விடுத்துள்ளனர். இந்த ஏஐ வளர்ச்சிகள் அனைத்தும் கடன் அடிப்படையில் (AI debt boom) நடப்பதால், எதிர்காலத்தில் ஏஐ சேவைக்கான தேவை குறைவாக இருந்தால், அது பெரிய நிதி நெருக்கடியை உருவாக்கலாம். மேலும், பயன்படுத்தப்படும் ஹார்டுவேர் சாதனங்கள் மிக வேகமாகப் பழையதாகிவிடும் (Depreciation) என்பதால், லாபத்தை ஈட்டுவது ஒரு சவாலான காரியம்.