Anthropic நிறுவனம் தனது புதிய AI ஏஜெண்டான Claude Duet-ஐ அறிமுகப்படுத்தியுள்ளது. Claude Opus 5.5 மாடலில் இயங்கும் இது, டேஷ்போர்டு உருவாக்கம் மற்றும் டாஸ்க் ஆட்டோமேஷன் போன்ற சிக்கலான வேலைகளைச் செய்ய வல்லது.
வெறும் சாட்பாட் அல்ல, இது ஒரு பணியாளர்!
வழக்கமான AI சாட்பாட்கள் வெறும் கேள்வி-பதில்களுக்கு மட்டுமே உதவும். ஆனால், Claude Opus 5.5 மாடலில் இயங்கும் Claude Duet, பிசினஸ் workflows-களை பின்னணியில் இருந்தே கையாளும் திறன் கொண்டது. டேட்டா சம்மரி செய்வது முதல், daily briefings வரை அனைத்தையும் இது கவனித்துக் கொள்ளும். இதன் மூலம் ஊழியர்கள் முக்கியமான முடிவுகளை எடுப்பதில் மட்டும் கவனம் செலுத்த முடியும்.
6,000-க்கும் மேற்பட்ட பிளக்-இன்கள்
இந்தத் தளம் 6,000-க்கும் மேற்பட்ட பிளக்-இன்கள் மற்றும் கனெக்டர்களுடன் இணைந்து செயல்படும் வகையில் உருவாக்கப்பட்டுள்ளது. முக்கியமாக Stripe Link, Shopify Shop Pay போன்ற பேமெண்ட் தளங்களுடன் இது இணையும். எனினும், இதில் சில பாதுகாப்பு கட்டுப்பாடுகள் உள்ளன. செக்யூரிட்டி டிரேடிங் அல்லது வங்கிப் பரிவர்த்தனைகளை இந்த AI தானாகச் செய்யாது; ஒவ்வொரு பரிவர்த்தனைக்கும் பயனர் அனுமதி கட்டாயம்.
டேட்டா பாதுகாப்பு முக்கியம்!
இந்தியாவின் Digital Personal Data Protection (DPDP) சட்டத்தைக் கருத்தில் கொண்டு, இதற்கென பிரத்யேகமாக 'message classifier' என்ற பாதுகாப்பு வடிகட்டி சேர்க்கப்பட்டுள்ளது. இது கிரெடிட் கார்டு தகவல்கள் மற்றும் அரசு அடையாள எண்கள் போன்ற முக்கியமான தகவல்கள் கசியாமல் பாதுகாக்கும்.
முதலீட்டாளர்கள் கவனத்திற்கு...
இந்தத் தொழில்நுட்பம் இந்திய ஐடி நிறுவனங்களின் செயல்பாடுகளில் பெரிய மாற்றத்தை உருவாக்கும். AI வெறும் டெக்ஸ்ட் ஜெனரேட்டராக இல்லாமல், வேலைகளை முடித்துத் தரும் 'ஏஜெண்டாக' மாறுவது, வரும் நாட்களில் சாஃப்ட்வேர் துறையில் பெரும் போட்டிக்கு வழிவகுக்கும். தற்போது இது Pro மற்றும் Max சந்தாதாரர்களுக்கு 'research preview' முறையில் கிடைக்கிறது.