அமெரிக்க புலனாய்வு அமைப்புகளின் ஆதரவுடன் செயல்படும் Anthropic, தனது Claude AI மாடலின் 'சிந்தனை செயல்முறையை' Alibaba உள்ளிட்ட சீன நிறுவனங்கள் திருடுவதாக பகிரங்கமாக குற்றம் சாட்டியுள்ளது.
செயற்கை நுண்ணறிவுத் துறையில் தற்போது ஒரு பெரும் சர்ச்சை வெடித்துள்ளது. Anthropic நிறுவனத்தின் Claude AI மாடலில் உள்ள ப்ரோபரைட்டரி டேட்டாவை, சீனாவைச் சேர்ந்த AI லேப்கள் பெருமளவில் திருடியதாக புகார் எழுந்துள்ளது. இந்த விவகாரத்தை NSA, CISA மற்றும் FBI ஆகிய அமெரிக்க பாதுகாப்பு அமைப்புகள் உறுதி செய்துள்ளன. இதில் Alibaba, Moonshot AI, DeepSeek, MiniMax, StepFun மற்றும் Z.AI ஆகிய நிறுவனங்கள் மீது நேரடியாக குற்றம் சாட்டப்பட்டுள்ளது.
'Model Distillation' மோசடி
இந்த நிறுவனங்கள் 'Model Distillation' என்ற தொழில்நுட்பத்தைப் பயன்படுத்தி Claude-ன் உள்ளமைக்கப்பட்ட 'Chain of Thought' எனப்படும் அறிவுசார் செயல்முறைகளைத் திருடியுள்ளன. வெறும் மேலோட்டமான தகவல்களைத் தாண்டி, ஒரு AI எப்படிச் சிந்திக்கிறது என்ற நுட்பத்தைத் திருடியதன் மூலம், பல பில்லியன் டாலர் செலவில் உருவாக்கப்பட்ட Claude-க்கு இணையான மாடல்களை மிகக் குறைந்த செலவில் உருவாக்க சீன நிறுவனங்கள் முயற்சிப்பதாகத் தெரிகிறது.
பிரம்மாண்டமான திருட்டு
குறிப்பாக, Alibaba நிறுவனம் நடத்திய மிகப்பெரிய நடவடிக்கையில், மே முதல் ஜூலை 2026 வரையிலான காலகட்டத்தில் மட்டும் சுமார் 15.1 கோடி பரிமாற்றங்கள் நடந்துள்ளன. இதற்காக 3,500-க்கும் மேற்பட்ட தனித்தனி அக்கவுண்ட்களைப் பயன்படுத்தி, தினமும் 30 லட்சம் கோரிக்கைகளை அனுப்பி, Claude-ஐ திணறடித்துள்ளனர்.
முதலீட்டாளர்கள் கவனத்திற்கு
இந்த விவகாரம் வெறும் அறிவுசார் சொத்துரிமை (IP) திருட்டு மட்டுமல்ல, இது தேசிய பாதுகாப்பு சார்ந்த பிரச்சனையாகவும் மாறியுள்ளது. அமெரிக்க அரசு இந்த விவகாரத்தில் கடுமையான ஏற்றுமதி கட்டுப்பாடுகளை விதிக்கலாம் என்று எதிர்பார்க்கப்படுகிறது. இனி வரும் காலங்களில், அமெரிக்க AI நிறுவனங்கள் தங்கள் API அணுகலை (API Access) சர்வதேச பயனர்களுக்கு வழங்கும் விதிகளை கடுமையாக்க வேண்டிய கட்டாயத்தில் உள்ளன. இதனால், AI துறையில் முதலீடு செய்துள்ளவர்கள் அமெரிக்க அரசின் புதிய விதிமுறைகளைத் தொடர்ந்து கவனிப்பது அவசியம்.