ஏஐ ஸ்டார்ட்அப் நிறுவனமான Anthropic தனது ஐபிஓ (IPO)-வுக்கு தயாராகி வரும் நிலையில், அதில் அமேசான் செய்துள்ள முதலீடு பல மடங்கு உயர்ந்துள்ளது. இது அமேசானின் லாபத்தை அதிகரிப்பதோடு, கிளவுட் சேவைகள் மூலம் நீண்டகால வருவாயையும் உறுதி செய்கிறது.
முதலீட்டு வியூகம்
AI ஸ்டார்ட்அப் ஆன Anthropic-ன் பங்குச் சந்தை வருகை (IPO) அமேசானுக்கு பெரும் லாபத்தை தரப்போகிறது. சாதாரண முதலீடுகளை விட, அமேசான் இங்கு கடன் போன்ற அமைப்பைக் கொண்ட Convertible Notes முறையை பயன்படுத்தியுள்ளது. கடந்த ஜூன் 30 நிலவரப்படி, அமேசான் இதில் $6.2 பில்லியன் முதலீடு செய்திருந்தது.
மதிப்பீடு உயர்வு
Anthropic-ன் பிரைவேட் மார்க்கெட் மதிப்பீடு தற்போது $965 பில்லியன் ஆக உயர்ந்துள்ளது. இதன் விளைவாக, அமேசானின் கையில் உள்ள அந்த நோட்டுகளின் தற்போதைய சந்தை மதிப்பு சுமார் $97.9 பில்லியன் ஆக அதிகரித்துள்ளது. இந்த அதிரடி வளர்ச்சியால், Anthropic நிறுவனம் $72.4 பில்லியன் மதிப்பிலான 'Non-cash charge'-ஐ தனது கணக்கில் பதிவு செய்ய வேண்டிய கட்டாயத்திற்கு தள்ளப்பட்டது.
வருவாய் திட்டம்
இந்த டீலில் உள்ள இன்னொரு முக்கிய அம்சம், வருவாய் உறுதி. Anthropic நிறுவனம் அடுத்த 10 ஆண்டுகளில் Amazon Web Services (AWS)-ல் குறைந்தது $110 பில்லியன் செலவிட ஒப்பந்தம் செய்துள்ளது. கூகுள் நிறுவனமும் இதேபோன்ற $114 பில்லியன் மதிப்பிலான ஒப்பந்தத்தை வைத்துள்ளது.
கவனிக்க வேண்டிய ரிஸ்க்
எல்லாம் நன்றாக தெரிந்தாலும், இதில் ஒரு சிக்கல் உள்ளது. Anthropic-ன் கிளவுட் பார்ட்னர்களான அமேசான் மற்றும் கூகுள் ஆகிய இருவருமே, சொந்தமாக ஏஐ மாடல்களை உருவாக்கி வருகின்றன. இதனால், கிளவுட் பார்ட்னர் மற்றும் போட்டி நிறுவனம் என இரண்டு முகங்களைக் கொண்ட இந்த உறவு, எதிர்காலத்தில் செயல்பாட்டு ரீதியான சிக்கல்களை (Operational Tensions) உருவாக்கலாம் என நிபுணர்கள் எச்சரிக்கின்றனர்.