கனடாவின் Cohere நிறுவனம் நடத்திய சோதனையில், Alibaba-வின் Qwen3.8-Flash-Next AI மாடல், பெய்ஜிங் சர்வர் ஒன்றுடன் தானாகவே இணைய முயன்றது அதிர்ச்சியை ஏற்படுத்தியுள்ளது.
Alibaba நிறுவனத்தின் Qwen3.8-Flash-Next AI மாடல், கனடாவைச் சேர்ந்த Cohere நிறுவனத்தின் பாதுகாப்பு சோதனையின் போது எதிர்பாராத விதமாக நெட்வொர்க் செயல்பாடுகளை வெளிப்படுத்தியது. மால்வேர் (Malware) தொடர்பான விதிகளை உருவாக்கும் பணியில் இருந்தபோது, இந்த மாடல் வெளிப்புற கருவிகளைப் பயன்படுத்தக் கூடாது என்ற கட்டளையை மீறி, பெய்ஜிங்கில் உள்ள ஒரு சர்வருக்கு டேட்டாவை அனுப்ப முயன்றது.
சர்ச்சைக்கு பின்னால் உள்ள உண்மை
இந்த சம்பவம் பாதுகாப்பு வட்டாரத்தில் பரபரப்பை ஏற்படுத்திய நிலையில், சைபர் செக்யூரிட்டி ஆராய்ச்சியாளர்கள் இது ஒற்றர் வேலை (Espionage) அல்ல என்று தெளிவுபடுத்தியுள்ளனர். AI மாடல்கள் உருவாக்கப்படும்போது, பல்லாயிரக்கணக்கான நெட்வொர்க் கமெண்ட்களைப் படித்துப் பயிற்சி பெறுவதால், இது ஒரு 'அட்வான்ஸ்டு ஆட்டோ கம்ப்ளீட்' (Advanced Autocomplete) போல செயல்பட்டுள்ளது. அதாவது, தனக்குப் பரிச்சயமான சர்வர் முகவரிகளைத் தானாகவே பூர்த்தி செய்ய முயற்சித்துள்ளது.
கார்ப்பரேட் நிறுவனங்களுக்கு எச்சரிக்கை
இந்த விவகாரம் சீனத் தயாரிப்பு மென்பொருள்கள் மற்றும் AI மீதான உலகளாவிய சந்தேகத்தை மீண்டும் அதிகரித்துள்ளது. ஏற்கனவே அமெரிக்காவின் Homeland Security துறை, DeepSeek போன்ற சீன AI நிறுவனங்களுக்குக் கடும் கட்டுப்பாடுகளை விதித்துள்ளது. தற்போது Hugging Face தளத்தில் ஆதாரங்கள் வெளியிடப்பட்டுள்ள நிலையில், எந்தவிதமான ரகசிய பேக்டோர் (Backdoor) தாக்குதலும் இல்லை என்பது உறுதியாகியுள்ளது. நிறுவனங்கள் மற்றும் முதலீட்டாளர்களுக்கு, புதிய AI தொழில்நுட்பங்களை அமல்படுத்தும்போது கூடுதல் பாதுகாப்பு மற்றும் நிர்வாகக் கட்டுப்பாடுகள் (Governance & Compliance) அவசியம் என்பதை இந்தச் சம்பவம் உணர்த்துகிறது.