Adani Enterprises நிறுவனம், அமெரிக்காவின் Jabil Inc. நிறுவனத்துடன் இணைந்து AI டேட்டா சென்டர் ஹார்டுவேர்களை இந்தியாவில் தயாரிக்க ஒப்பந்தம் செய்துள்ளது. இந்த 50:50 கூட்டு முயற்சி மூலம் சர்வர்கள் மற்றும் கூலிங் சிஸ்டம்களை உள்நாட்டிலேயே தயாரிக்கத் திட்டமிட்டுள்ளது.
சப்ளை செயின் பலப்படுத்த அதானி திட்டம்
அதானி குழுமம் தனது டேட்டா சென்டர் திட்டங்களை விரிவாக்கும் பணியில் தீவிரம் காட்டி வருகிறது. 2035-க்குள் 5 ஜிகாவாட் கொள்ளளவு கொண்ட, பசுமை ஆற்றல் மூலம் இயங்கும் டேட்டா சென்டர்களை உருவாக்குவதே இவர்களின் இலக்கு. இந்தத் திட்டத்திற்குத் தேவையான AI சர்வர்கள், நெட்வொர்க்கிங் உபகரணங்கள் மற்றும் லிக்விட்-கூலிங் சிஸ்டம்களை வெளிநாடுகளில் இருந்து இறக்குமதி செய்வதற்குப் பதிலாக, இந்தியாவில் தயாரிப்பதன் மூலம் செலவைக் குறைக்க அதானி நிறுவனம் இந்த கூட்டணியை உருவாக்கியுள்ளது.
ஜாபில் (Jabil) நிறுவனத்தின் பங்களிப்பு
உற்பத்தித் துறையில் உலகளவில் முன்னணி நிறுவனமான Jabil, பவர் மேனேஜ்மெண்ட் மற்றும் தெர்மல் கூலிங் தொழில்நுட்பத்தில் சிறந்த அனுபவம் கொண்டது. இந்த கூட்டு முயற்சி மூலம் இந்தியத் தேவை மட்டுமின்றி, வெளிநாடுகளுக்கு ஏற்றுமதி செய்யும் வாய்ப்பும் உருவாகியுள்ளது. அரசின் வரிச் சலுகைகள் மற்றும் சாதகமான சூழல் இந்தத் திட்டத்திற்கு கூடுதல் பலம் சேர்க்கிறது.
முதலீட்டாளர்கள் கவனத்திற்கு: ரிஸ்க்குகள் என்ன?
இதுவரை கையெழுத்தானது ஒரு 'Non-binding MoU' மட்டுமே என்பதை முதலீட்டாளர்கள் கவனத்தில் கொள்ள வேண்டும். அதாவது, இது இறுதி ஒப்பந்தம் அல்ல. திட்டத்தின் காலக்கெடு, முதலீட்டு விவரங்கள் மற்றும் லாப வரம்புகள் இறுதிக் கையெழுத்திற்குப் பின்னரே உறுதியாகும்.
மேலும், AI ஹார்டுவேர் தயாரிப்பு என்பது மிகவும் சிக்கலான மற்றும் போட்டி நிறைந்த துறை. தொழில்நுட்ப மாற்றங்களுக்கு ஏற்ப வேகமாகக் செயல்படுவது, உற்பத்திச் செலவைக் கட்டுப்படுத்துவது போன்ற சவால்கள் உள்ளன. பெரிய அளவிலான உள்கட்டமைப்புத் திட்டங்களில் தாமதங்கள் ஏற்படுவதும் இயல்பு என்பதால், இறுதி ஒப்பந்தம் எப்போது கையெழுத்தாகிறது என்பதைப் பொறுத்தே இந்தத் திட்டத்தின் வெற்றி அமையும்.