ஆர்டிபிஷியல் இன்டெலிஜென்ஸ் (AI) மூலம் மென்பொருள் குறியீட்டு (Coding) பணிகள் எளிமையாகவும், மலிவாகவும் மாறியுள்ளன. இதனால், வெறும் தொழில்நுட்ப உதவிகளை மட்டும் வழங்கும் இந்திய IT நிறுவனங்கள், தங்கள் லாபத்தைத் தக்கவைக்க 'Outcome-based' மாடலுக்கு மாற வேண்டிய கட்டாயத்தில் உள்ளன.
செயற்கை நுண்ணறிவுத் தொழில்நுட்பத்தின் அசுர வளர்ச்சி, மென்பொருள் உருவாக்கும் முறையையே தலைகீழாக மாற்றியுள்ளது. AI ஏஜெண்டுகள் சிக்கலான கோடிங் பணிகளைச் செய்யத் தொடங்கியுள்ளதால், அடிப்படை மென்பொருள் சேவைகளுக்கான கட்டணம் மற்றும் செலவுகள் வேகமாக குறைந்து வருகின்றன (Cost Deflation).
பழைய மாடல் vs புதிய சவால்
இதுவரை பெரும்பாலான இந்திய IT நிறுவனங்கள், எத்தனை ஊழியர்கள் வேலை செய்கிறார்கள் அல்லது எத்தனை மணிநேரம் வேலை செய்கிறார்கள் (Time and Material - T&M) என்ற அடிப்படையில் தான் வருமானம் ஈட்டி வந்தன. ஆனால், இப்போது சாதாரண கோடிங் பணிகளை AI-யே செய்துவிடுவதால், வெறும் ஊழியர்களை வைத்துக்கொண்டு இயங்கும் நிறுவனங்களின் மார்ஜின் (Margin) கடும் அழுத்தத்திற்கு உள்ளாகும்.
'Enterprise Agency' - புதிய மந்திரம்
இனி வரும் காலத்தில், வெறும் கோடிங் மட்டும் போதாது. சப்ளை செயின் மேனேஜ்மென்ட், விலை நிர்ணயம் மற்றும் ஒழுங்குமுறை இணக்கம் (Regulatory compliance) போன்ற முக்கியமான வணிக முடிவுகளில் AI-ஐ ஒருங்கிணைக்கும் நிறுவனங்களே வெற்றி பெறும். இதைத்தான் நிபுணர்கள் 'Enterprise Agency' என்கிறார்கள்.
முதலீட்டாளர்கள் கவனிக்க வேண்டியது என்ன?
முதலீட்டாளர்கள் வரும் காலாண்டுகளில் கவனிக்க வேண்டிய முக்கிய விஷயம், நிறுவனங்களின் ஒப்பந்த முறைகள் (Contract structures).
- Outcome-based Contracts: நிறுவனங்கள் வெறும் வேலைக்காகப் பணம் வாங்காமல், தாங்கள் தரும் தீர்வுகளால் அந்த பிசினஸிற்கு என்ன லாபம் கிடைத்தது என்பதைப் பொறுத்து கட்டணம் வசூலிக்கும் முறையை நோக்கி நகர்கின்றனவா என்று பார்க்க வேண்டும்.
- ஆடிட்டபிலிட்டி (Auditability): AI எடுக்கும் ஒவ்வொரு முடிவும் ஏன் எடுக்கப்பட்டது, அதை மனிதர்கள் எவ்வாறு சரிபார்க்கிறார்கள் என்பது மிக முக்கியம். இந்த வெளிப்படைத்தன்மையை வழங்கும் நிறுவனங்களே அதிகக் கட்டணம் வசூலிக்க முடியும்.
மாற்றத்திற்குத் தயாராகாத நிறுவனங்கள், தங்கள் சேவைகளைச் சாதாரண பொருளாக (Commoditization) மாற்றி, மார்ஜினை இழக்க நேரிடும். எனவே, நிர்வாகம் எந்த அளவுக்கு governance மற்றும் compliance-ல் முதலீடு செய்கிறது என்பதைப் பொறுத்தே எதிர்கால வளர்ச்சி அமையும்.