இந்தியாவில் AI டேட்டா சென்டர்களின் வளர்ச்சி மின்சாரத் தேவையை அதிரடியாக உயர்த்தியுள்ளது. இது பவர் ஸ்டாக்ஸிற்கு பெரிய வாய்ப்பாக இருந்தாலும், தற்போதைய அதிகப்படியான 'வேல்யுவேஷன்' முதலீட்டாளர்களுக்கு ஒரு எச்சரிக்கை மணியாகும்.
செயற்கை நுண்ணறிவு (AI) தொழில்நுட்பம் மற்றும் டேட்டா சென்டர்களின் அதிரடி வளர்ச்சி, இந்திய மின்சாரத் துறைக்கு ஒரு புதிய உத்வேகத்தைக் கொடுத்துள்ளது. சாதாரண தொழிற்சாலைகள் மற்றும் வீடுகளைப் போலன்றி, டேட்டா சென்டர்களுக்கு 24x7 தடையற்ற மின்சாரம் தேவைப்படுகிறது. இது மின் உற்பத்தி, டிரான்ஸ்மிஷன் மற்றும் விநியோகம் செய்யும் நிறுவனங்களுக்கு ஒரு நீண்டகால வளர்ச்சியைத் தேடித்தருகிறது.
முக்கிய நிறுவனங்கள்:
இந்த ட்ரெண்டில் NTPC Limited, Power Grid Corporation of India, JSW Energy, NHPC, மற்றும் Tata Power ஆகிய நிறுவனங்கள் முன்னணியில் உள்ளன. இதில் NTPC மின் உற்பத்தியிலும், Power Grid மின்சாரத்தைக் கொண்டு செல்லும் கட்டமைப்பிலும் முக்கியப் பங்காற்றுகின்றன. பிற நிறுவனங்கள் ஹைட்ரோ மற்றும் ரினியூவபிள் எனர்ஜியில் கவனம் செலுத்துகின்றன.
முதலீட்டாளர்கள் கவனிக்க வேண்டியது:
வளர்ச்சி என்னவோ பிரகாசமாகத் தெரிந்தாலும், பங்குச் சந்தையில் பவர் ஸ்டாக்ஸின் வேல்யுவேஷன் தற்போது மிக அதிகளவில் உள்ளது. அதாவது, எதிர்கால வளர்ச்சியை முன்னரே கணக்கில் கொண்டு பங்குகள் விலை ஏற்றப்பட்டுள்ளது. இதனால், நிறுவனங்கள் தங்களின் ப்ராஜெக்ட்களைச் சிறப்பாகச் செயல்படுத்தி, லாபத்தை (Profit Margins) உயர்த்தினால் மட்டுமே பங்கின் விலை மேலும் உயர வாய்ப்புள்ளது.
நிபுணர்களின் கருத்துப்படி, வெறும் மின்சாரத் தேவை மட்டும் பங்கின் விலையை உயர்த்தாது. புதிய புராஜெக்ட்களை பட்ஜெட்டுக்குள் முடிப்பது, கடன் சுமையைக் குறைப்பது மற்றும் அரசு விதிக்கும் மின்சாரக் கட்டணக் கொள்கைகள் ஆகியவைதான் இனிவரும் நாட்களில் பங்கின் போக்கை நிர்ணயிக்கும். சந்தை எதிர்பார்ப்பும் நிஜமான செயல்பாடும் ஒத்துப்போகவில்லை எனில், குறுகிய காலத்தில் பெரிய ஏற்றத்தை எதிர்பார்க்க முடியாது.