INVasset PMS-ன் அனிருத் கார்க், ஆட்டோமொபைல் உதிரிபாகங்கள் தயாரிக்கும் நிறுவனங்கள் மற்றும் டிஜிட்டல் நிதி நிறுவனங்களில் நீண்ட கால வளர்ச்சி வாய்ப்புகளைப் பார்க்கிறார். அதே சமயம், கச்சா எண்ணெய் விலை உயர்வு இந்திய சந்தைக்கு சவாலாக இருக்கும் என்று எச்சரிக்கிறார்.
உற்பத்தியில் புதிய திருப்பம்
இந்தியாவின் மேனுஃபேக்ச்சரிங் துறை தற்போது அடிப்படை ஆட்டோமொபைல் உதிரிபாகங்களில் இருந்து 'ப்ரிசிஷன் என்ஜினீயரிங்' (Precision Engineering) நோக்கி நகர்கிறது. ஏரோஸ்பேஸ், டிஃபென்ஸ் மற்றும் இவி (EV) உதிரிபாகங்கள் தயாரிக்கும் நிறுவனங்கள், உள்நாட்டு சந்தையின் சவால்களைக் கடந்து உலகளாவிய வாடிக்கையாளர்களைப் பெறுவதில் வெற்றி பெறுகின்றன. இது சீனாவுக்கு மாற்றாக இந்தியா உருவாக உதவும்.
டிஜிட்டல் நிதி மற்றும் வங்கித் துறை
டிஜிட்டல் முறையில் நிதிச் சேவைகளை வழங்கும் தளங்கள் ஒரு தவிர்க்க முடியாத சக்தியாக வளர்ந்து வருகின்றன. மக்கள் SIP மற்றும் டிமேட் கணக்குகள் மூலம் பங்குச்சந்தைக்குள் வருவதால், இந்த நிறுவனங்கள் வளர்ச்சி காண வாய்ப்புள்ளது. எனினும், வாடிக்கையாளர்களை ஈர்க்கும் செலவை (Customer Acquisition Cost) கட்டுப்படுத்துவதே இவர்களின் சவால்.
வங்கித் துறையைப் பொறுத்தவரை, இப்போது கடன் கொடுப்பதை விட, 'டெபாசிட் பேஸ்' வலுவாக உள்ள வங்கிகளுக்கே முன்னுரிமை அளிக்க வேண்டும். கச்சா எண்ணெய் விலை உயர்வு குறுந்தொழில் நிறுவனங்களின் கடன் செலுத்தும் திறனை பாதிக்கலாம் என்பதால், வலுவான நிதி ஆதாரங்களைக் கொண்ட வங்கிகள் மட்டுமே பாதுகாப்பானவை.
மெட்டல்ஸ் மற்றும் சந்தை அபாயம்
மெட்டல் துறையில் ஸ்டீல் நிறுவனங்களை விட, காப்பர் மற்றும் அலுமினியம் போன்ற 'நான்-ஃபெரஸ்' உலோகங்களுக்கு அதிக மவுசு உள்ளது. இவை எரிசக்தி மாற்றம் மற்றும் டேட்டா சென்டர் கட்டமைப்பிற்கு மிக முக்கியம்.
தற்போதைய சந்தை சூழலில், எஃப்.பி.ஐ (FPI) முதலீடுகள் வெளியேறுவது முதலீட்டாளர்களுக்கு கவலையைத் தருகிறது. மிக முக்கியமாக, இந்தியா அதிக அளவில் கச்சா எண்ணெயை இறக்குமதி செய்வதால், அதன் விலை உயர்ந்தால் நாட்டின் கரண்ட் அக்கவுண்ட் டெஃபிசிட் (CAD) பாதிக்கப்படும். இது ரூபாய் மதிப்பை வீழ்த்தி, நிறுவனங்களின் லாபத்தைப் பாதிக்கலாம் என அனிருத் கார்க் எச்சரிக்கிறார்.