Go-Delhi Foundation: ஸ்டார்ட்-அப்களுக்கு டெல்லி அரசின் அதிரடி உதவி - ₹50 கோடி நிதி ஒதுக்கீடு!

இது எப்படி செயல்படும்?

டெல்லி அரசு ஸ்டார்ட்-அப்களின் வளர்ச்சிக்கு ஒரு முக்கிய முன்னெடுப்பை எடுத்துள்ளது. இந்த 'Go-Delhi Foundation', இண்டஸ்ட்ரீஸ் துறையின் கீழ் ஒரு Section 8 நிறுவனமாக (லாப நோக்கமற்ற அமைப்பு) செயல்படும். ஆரம்பக்கட்ட ஸ்டார்ட்-அப்கள், தாங்கள் தயாரித்த ப்ரோட்டோடைப்களை வணிக ரீதியாக சந்தைக்கு கொண்டு வருவதில் உள்ள சிக்கல்களைக் குறைக்க இது உதவும்.

அரசின் முக்கிய வசதிகள்

பொதுவாக ஒரு புதிய ஸ்டார்ட்-அப் நிறுவனம் லேப் வசதி, இன்ஜினியரிங் உதவி, மற்றும் சட்ட ஆலோசனைகளுக்கு பல இடங்களுக்கு அலைய வேண்டியிருக்கும். ஆனால், இந்த ஃபவுண்டேஷன் அனைத்தையும் ஒரே இடத்தில் வழங்கும். குறிப்பாக, அரசின் சொந்த துறைகளையே 'டெஸ்ட் பெட்' (Test Bed) தளங்களாக ஸ்டார்ட்-அப்கள் பயன்படுத்திக்கொள்ளலாம். இதன் மூலம், அவர்கள் தங்கள் தயாரிப்புகளை நேரடியாக சோதித்து, அரசு ஒப்பந்தங்களை (Government Contracts) பெறுவதற்கான தகுதியையும் எளிதில் அடைய முடியும்.

பெரிய திட்டத்தின் தொடக்கம்

இந்த ₹50 கோடி நிதி ஒதுக்கீடு என்பது, டெல்லி அரசின் ஒட்டுமொத்த ₹400 கோடி மதிப்பிலான 'Delhi Start-up and Incubation Policy 2026' திட்டத்தின் முதல் கட்டமாகும். புதிய இன்ஃப்ராஸ்ட்ரக்சர் அமைப்பதற்குப் பதிலாக, ஏற்கனவே இருக்கும் கல்வி நிறுவனங்கள் மற்றும் மையங்களை இணைத்து (Hub-and-Spoke model) இந்தத் திட்டம் செயல்படுத்தப்படும்.

தற்போது டெல்லியில் 21,000-க்கும் மேற்பட்ட ஸ்டார்ட்-அப்கள் DPIIT-ஆல் அங்கீகரிக்கப்பட்டுள்ளன. கர்நாடகா, மகாராஷ்டிரா போன்ற மாநிலங்களின் கடும் போட்டிக்கு மத்தியில், டெல்லியின் இந்த முயற்சி ஸ்டார்ட்-அப் சூழலை வலுப்படுத்துமா என்பதைப் பொறுத்திருந்துதான் பார்க்க வேண்டும்.