TRAI-ன் அதிரடி திட்டம்: இணைய வழி டிவி சேனல்களுக்கு இனி லைசென்ஸ் கட்டாயம்?

டெலிகாம் ரெகுலேட்டரி அத்தாரிட்டி ஆஃப் இந்தியா (TRAI), இணையம் வழி இயங்கும் அப்ளிகேஷன் பேஸ்டு லீனியர் டிவி டிஸ்ட்ரிபியூஷன் (ALTD) சேவைகளுக்கு புதிய லைசென்ஸ் விதிகளை அறிமுகப்படுத்த முன்வந்துள்ளது. இந்த சேவைகளை 'டெலிகாம் சேவைகள்' என வகைப்படுத்தி, 2023-ஆம் ஆண்டின் தொலைத்தொடர்புச் சட்டத்தின் கீழ் கொண்டுவர இந்த பரிந்துரை வழிவகுக்கிறது.

FAST மார்க்கெட் பாதிப்பு

தற்போது வேகமாக வளர்ந்து வரும் 'Free Ad-supported Streaming Television' (FAST) சந்தையின் வருவாய், 2027-க்குள் ₹960 கோடியைத் தாண்டும் என்று கணிக்கப்படுகிறது. தற்போதுள்ள தளர்வான கட்டுப்பாடுகள் நீங்கி, புதிய விதிமுறைகள் அமலானால், நிறுவனங்கள் தங்கள் ஐடி உள்கட்டமைப்பு மற்றும் பயனர் தரவுகளை இந்தியாவிற்குள்ளேயே பராமரிக்க வேண்டிய கட்டாயம் ஏற்படும். இது ஸ்மார்ட் டிவி தயாரிப்பாளர்கள் மற்றும் ஸ்டீரிமிங் நிறுவனங்களுக்கு இடையிலான உறவில் பெரிய மாற்றங்களை உருவாக்கலாம்.

சவால்களும் சிக்கல்களும்

இந்த புதிய பரிந்துரை டிஜிட்டல் பர்சனல் டேட்டா புரொடக்ஷன் ஆக்ட், 2023 விதிகளுடன் ஒத்துப்போகுமா என்ற கேள்விகள் எழுந்துள்ளன. இணையத்தின் சுதந்திரமான தன்மையை இந்த விதிகள் பாதிக்கும் என்றும், கருத்து சுதந்திரம் தொடர்பான சட்ட சிக்கல்கள் வரலாம் என்றும் நிபுணர்கள் எச்சரிக்கின்றனர்.

முதலீட்டாளர்கள் கவனத்திற்கு

தகவல் மற்றும் ஒலிபரப்பு அமைச்சகம் (Ministry of Information and Broadcasting) இந்த பரிந்துரைகளை ஆய்வு செய்து வருகிறது. இதில் கடுமையான லைசென்ஸ் கட்டணங்கள் மற்றும் தொழில்நுட்பக் கட்டுப்பாடுகள் விதிக்கப்பட்டால், அது சிறிய ஸ்டீரிமிங் நிறுவனங்களின் லாப வரம்பை (Profit Margins) கடுமையாகப் பாதிக்கும். அரசு இந்த விவகாரத்தில் 'லைட்-டச்' அணுகுமுறையைக் கையாளுகிறதா அல்லது கண்டிப்பான டெலிகாம் விதிகளை அமல்படுத்தப் போகிறதா என்பதைப் பொறுத்தே டிஜிட்டல் மீடியா துறையின் வளர்ச்சி அமையும்.