இனி நிறுவனங்களை கட்டுப்படுத்தும் நிதி நிறுவனங்கள் Insolvency வழக்குகளில் ஓட்டு போட முடியாது என உச்ச நீதிமன்றம் தீர்ப்பளித்துள்ளது. 'Related Parties' என்ற பிரிவின் கீழ் வரும் லெண்டர்களுக்கு இந்த தடை அமலாகிறது.
திவால் மற்றும் நொடிப்பு நிலை (Insolvency and Bankruptcy Code) சட்டத்தில் உச்ச நீதிமன்றம் ஒரு மிக முக்கியமான மாற்றத்தைக் கொண்டு வந்துள்ளது. இனி ஒரு நிறுவனத்தின் தினசரி செயல்பாடுகளில் அதிக அதிகாரம் கொண்ட அல்லது கட்டுப்பாடு வைத்துள்ள கடன் வழங்குநர்கள் (Lenders), அந்த நிறுவனம் திவாலாகும் போது அமைக்கப்படும் 'Committee of Creditors' (CoC)-ல் வாக்களிக்க முடியாது என்று தீர்ப்பளிக்கப்பட்டுள்ளது.
இந்தத் தீர்ப்பு அக்டோபர் 27, 2026 அன்று வழங்கப்பட்டது. இதன் மூலம், லெண்டர்கள் 'Related Party' அல்லது நிறுவனத்தின் உள்ளே இருப்பவர்களாகக் கருதப்படுவார்கள். இதனால், அவர்கள் நடுநிலையான நீதிபதிகளாகச் செயல்பட முடியாது என நீதிமன்றம் திட்டவட்டமாகக் கூறியுள்ளது.
Palm Developers வழக்கு ஒரு பாடம்
இந்த விவகாரம் Palm Developers Private Limited நிறுவனத்தின் திவால் வழக்கின் போது வெளிச்சத்திற்கு வந்தது. சுமார் ₹270 கோடிக்கும் அதிகமான கடன் தொகையைக் கோரிய ECL Finance Ltd மற்றும் IDBI Trusteeship Services Ltd ஆகிய நிறுவனங்களுக்கு எதிராக வீடு வாங்கியவர்கள் எதிர்ப்பு தெரிவித்தனர். லெண்டர்கள் நிறுவனத்தின் பட்ஜெட் மற்றும் கொள்கை முடிவுகளில் அதிக அதிகாரம் வைத்திருப்பதால், அவர்களை கடன் வழங்கும் குழுவில் சேர்க்கக் கூடாது என வாதிடப்பட்டது. இதை ஏற்றுக்கொண்ட நீதிமன்றம், ஒரு லெண்டர் நிறுவனத்தை முழுமையாகக் கட்டுப்படுத்த வேண்டிய அவசியமில்லை, அவர்களின் தலையீடே அவர்களை இந்த உரிமையிலிருந்து தகுதி நீக்கம் செய்யப் போதுமானது என்று தெளிவுபடுத்தியுள்ளது.
வங்கிகள் மற்றும் NBFC-களுக்கு என்ன பாதிப்பு?
இனி வங்கிகள் மற்றும் நிதி நிறுவனங்கள் தங்களின் லோன் ஒப்பந்தங்களை (Loan Agreements) மறுபரிசீலனை செய்ய வேண்டிய கட்டாயத்தில் உள்ளன. கடனைப் பாதுகாப்பதற்காக ஒப்பந்தங்களில் சேர்க்கப்படும் 'Protective Covenants' இனி வினையாக முடியலாம். நிறுவனத்தின் உத்தியை நிர்ணயிக்கும் அளவுக்கு அதிகாரம் பெற்ற ஒப்பந்தங்கள் இருந்தால், அந்த லெண்டர்கள் திவால் நேரத்தில் தங்களின் ஓட்டுரிமையை இழக்க நேரிடும். இது வாராக்கடன் (NPA) வசூல் செய்யும் திறனைப் பாதிக்கும் என்பதால், முதலீட்டாளர்கள் கவனமாக இருக்க வேண்டும்.
நிபுணர்களின் கருத்துப்படி, எதிர்காலத்தில் 'Control' என்பதற்கான வரையறை நீதிமன்றங்களில் பெரிய விவாதமாக இருக்கும். இதன் காரணமாக ஹோம் பையர்கள் மற்றும் இதர கடனாளிகள் சக்திவாய்ந்த லெண்டர்களை கமிட்டியிலிருந்து வெளியேற்ற சட்டப் போராட்டங்களை முன்னெடுப்பார்கள் என்று எதிர்பார்க்கப்படுகிறது.