Accredited Investor அந்தஸ்து பெறுவதற்கான தகுதியை SEBI மாற்றியுள்ளது. தனிநபர்களுக்கு **₹5 கோடி** சொத்து மதிப்பு என்ற புதிய விதிமுறை அறிமுகம் செய்யப்பட்டுள்ளது. இனி ஃபண்ட் மேனேஜர்களே நேரடியாக முதலீட்டாளர்களுக்கு இந்த அந்தஸ்தை வழங்க முடியும்.
இந்திய பங்குச் சந்தை கட்டுப்பாட்டு வாரியமான SEBI, அதிக சொத்து மதிப்பு கொண்ட முதலீட்டாளர்களுக்கான (HNI) புதிய வழிகாட்டுதல்களை வெளியிட்டுள்ளது. இனி தனிநபர்கள், Hindu Undivided Families (HUF), மற்றும் சோல் ப்ரோப்ரைட்டர்ஷிப் நிறுவனங்கள் அக்ரெடிட்டட் முதலீட்டாளர் அந்தஸ்து பெற, பங்குச் சந்தையில் குறைந்தபட்சம் ₹5 கோடி சொத்து மதிப்பு கொண்டிருக்க வேண்டும். கார்ப்பரேட் நிறுவனங்கள் மற்றும் டிரஸ்ட் அமைப்புகளுக்கு இந்த வரம்பு ₹20 கோடி ஆக நிர்ணயிக்கப்பட்டுள்ளது.
நேரடி அக்ரெடிட்டேஷன் சிஸ்டம்
இதுவரை நிலவி வந்த சிக்கலான சரிபார்ப்பு முறைகளை மாற்றி, இனி Alternative Investment Funds (AIF) மற்றும் Portfolio Management Services (PMS) மேலாளர்களே தங்கள் வாடிக்கையாளர்களுக்கு நேரடியாக இந்த அந்தஸ்தை வழங்க அனுமதி அளிக்கப்பட்டுள்ளது. இதன் மூலம் தேவையற்ற ஆவண வேலைகள் குறையும்.
முக்கிய சிறப்பம்சங்கள்:
- Validity: ஒருமுறை வழங்கப்படும் இந்த அந்தஸ்து 3 ஆண்டுகள் வரை செல்லுபடியாகும்.
- Portability: ஒரே நிதி குழுமத்தின் கீழ் உள்ள பல்வேறு தயாரிப்புகளுக்கு, இந்த அங்கீகாரத்தை முதலீட்டாளர்கள் பயன்படுத்திக் கொள்ள முடியும்.
- வெளிநாட்டு முதலீட்டாளர்கள்: வெளிநாடுகளில் வசிக்கும் இந்தியர்கள் (FEMA விதிமுறைப்படி) தானாகவே அக்ரெடிட்டட் முதலீட்டாளர்களாக கருதப்படுவார்கள்.
இந்த மாற்றங்கள் மூலம், சிக்கலான முதலீட்டுத் திட்டங்களில் அதிக முதலீட்டாளர்கள் எளிதாக நுழைய வழிவகை செய்யப்பட்டுள்ளது. இருப்பினும், பொதுச் சந்தையை விட இத்தகைய முதலீட்டுத் திட்டங்களில் ரிஸ்க் மற்றும் பணப்புழக்கம் (Liquidity) மாறுபடும் என்பதை முதலீட்டாளர்கள் கவனத்தில் கொள்ள வேண்டும்.