SEBI தனது மெர்ச்செண்ட் பேங்கிங் மற்றும் IPO விதிகளை மறுஆய்வு செய்ய முடிவு செய்துள்ளது. நிறுவனங்களின் லிஸ்டிங் செலவைக் குறைக்கவும், வெளிப்படைத்தன்மையை அதிகரிக்கவும் இந்த நடவடிக்கை எடுக்கப்படுகிறது.
விதிகளில் என்ன மாற்றம்?
இந்திய பங்குச் சந்தை கட்டுப்பாட்டு வாரியமான SEBI, தற்போதைய மெர்ச்செண்ட் பேங்கிங் மற்றும் IPO நடைமுறைகளை நவீனப்படுத்த முடிவு செய்துள்ளது. குறிப்பாக, Issue of Capital and Disclosure Requirements (ICDR) விதிகளை எளிமைப்படுத்துவதன் மூலம், நிறுவனங்கள் பங்குச் சந்தைக்கு வருவதற்கான நிதிச் சுமையை குறைக்க திட்டமிடப்பட்டுள்ளது.
எதெல்லாம் மாற வாய்ப்பு?
தற்போது கட்டாயமாக உள்ள செய்தித்தாளில் விளம்பரம் செய்யும் முறை மற்றும் ஐபிஓ-வின் விலை நிர்ணய முறை (Price bands) ஆகியவற்றை மறுபரிசீலனை செய்ய SEBI திட்டமிட்டுள்ளது. இந்த ஆய்வு அடுத்த 6 மாதங்களில் முடிவடையும் என எதிர்பார்க்கப்படுகிறது.
SME நிறுவனங்களுக்கு முக்கியத்துவம்
சமீபகாலமாக SME (Small and Medium Enterprise) நிறுவனங்களின் ஐபிஓக்கள் அதிகளவில் வருகின்றன. இதில் வெளிப்படைத்தன்மையை உறுதி செய்யவும், முதலீட்டாளர்களின் பணத்தை பாதுகாக்கவும், மெர்ச்செண்ட் பேங்கர்களுக்கு சிறப்புப் பயிற்சிகளை வழங்க SEBI முடிவு செய்துள்ளது.
மெர்ச்செண்ட் பேங்கர்கள் வெறும் சரிபார்ப்புப் பட்டியலாக (Checklist) மட்டும் பார்க்காமல், ஐபிஓ ஆவணங்களை ஒரு விரிவான வழிகாட்டியாக மாற்ற வேண்டும் என்பதே இவர்களின் நோக்கம். இந்த மாற்றங்கள் சந்தையில் முதலீடு செய்பவர்களுக்கு அதிகத் தெளிவைத் தரும் என்று எதிர்பார்க்கப்படுகிறது.