பங்குச்சந்தையில் டெரிவேடிவ்ஸ் (Derivatives) வர்த்தகத்தின் போது ஏற்படும் அதிகப்படியான விலை மாற்றங்களை கட்டுப்படுத்த SEBI புதிய கட்டுப்பாடுகளை கொண்டு வர உள்ளது. குறிப்பாக வாராந்திர எக்ஸ்பயரி (Expiry) நாட்களில் நடக்கும் ஊக வணிகத்தை தடுக்க இந்த அதிரடி மாற்றங்கள் முன்மொழியப்பட்டுள்ளன.
பங்கு சந்தையின் இறுதிக்கட்ட வர்த்தகத்தில், அதாவது 3:15 pm முதல் 3:35 pm வரையிலான 'Closing Auction Session'-ல் ஏற்படும் தேவையற்ற விலை மாற்றங்களை தடுக்க SEBI பல்வேறு புதிய திட்டங்களை முன்வைத்துள்ளது.
முக்கிய மாற்றங்கள் என்னென்ன?
- Indicative Prices நீக்கம்: தற்போது ஆக்ஷன் நேரத்தில் காட்டப்படும் தற்காலிக விலைகளை (Indicative values) இனி காட்டமாட்டார்கள். இதனால் கடைசி நிமிடங்களில் டிரேடர்கள் மத்தியில் ஏற்படும் பதற்றமான விற்பனை (Panic selling) குறையும் என்று எதிர்பார்க்கப்படுகிறது.
- ஆர்டர் கேன்சலேஷன் கட்டுப்பாடு: ரெஃபரன்ஸ் விலையில் இருந்து 1%-க்கும் மேல் விலையில் போடப்படும் லிமிட் ஆர்டர்களை கேன்சல் செய்ய தடை விதிக்கப்படலாம். இதன் மூலம், விலையை செயற்கையாக மாற்ற முயற்சிக்கும் 'Price Manipulation' தடுக்கப்படும்.
- Volume-Weighted Settlement: எக்ஸ்பயரி நாட்களில் செட்டில்மென்ட் விலையை கணக்கிடும் முறையை மாற்ற உள்ளனர். இனி வெறும் ஆக்ஷன் விலையை மட்டும் நம்பியிருக்காமல், கடைசி 30 நிமிட வர்த்தகத்தின் வால்யூம் மற்றும் ஆக்ஷன் விலை இரண்டையும் கணக்கில் கொள்வார்கள்.
ஏன் இந்த நடவடிக்கை?
இந்திய சந்தையில் Index Options வர்த்தகம் பெருமளவில் அதிகரித்துள்ளது. இதனால் சில்லறை முதலீட்டாளர்கள் எக்ஸ்பயரி நாட்களில் அதிக நஷ்டத்தைச் சந்திக்கின்றனர். சந்தை ஒரு நிலையான முடிவை (Stable close) எட்ட வேண்டும் என்பதே SEBI-யின் முக்கிய நோக்கம். இந்த புதிய விதிகள் அமலுக்கு வரும்போது, சந்தையில் தேவையற்ற ஏற்ற இறக்கங்கள் கணிசமாகக் குறைய வாய்ப்புள்ளது.