SEBI வெளியிட்ட புதிய ஆலோசனையின்படி, பங்குச்சந்தைகள் (Stock Exchanges) மற்றும் டெபாசிட்டரிகள் இனி முன் அனுமதி இன்றி புதிய வணிகங்களில் களமிறங்கலாம். இதன் மூலம் டேட்டா மற்றும் டெக்னாலஜி துறையில் வேகமான வளர்ச்சியை எட்ட முடியும்.
பங்குச்சந்தை சார்ந்த நிறுவனங்களின் (MIIs) செயல்பாடுகளை எளிமைப்படுத்த SEBI ஒரு புதிய ஆலோசனைக் குறிப்பை வெளியிட்டுள்ளது. இதுவரை ஒவ்வொரு புதிய வணிக விரிவாக்கத்திற்கும் செபி-யிடம் முன் அனுமதி பெற வேண்டியிருந்தது. இனி, ஆட்டோமேட்டிக் அப்ரூவல் (Automatic Approval) முறை மூலம் டேட்டா அனலிட்டிக்ஸ், டெக்னாலஜி சர்வீசஸ் போன்ற துறைகளில் இந்த நிறுவனங்கள் எளிதாக நுழைய முடியும்.
முதலீட்டுக்கான கட்டுப்பாடுகள்
இந்த சுதந்திரம் வழங்கப்பட்டாலும், நிதி பாதுகாப்பிற்காக சில கண்டிப்பான கட்டுப்பாடுகளை செபி விதித்துள்ளது. அதன்படி, ஒரு நிறுவனம் மேற்கொள்ளும் புதிய முதலீடு, முந்தைய ஆண்டு நெட் ஒர்த் (Net Worth)-இல் 5%-க்கு மிகாமல் இருக்க வேண்டும். மேலும், முதலீட்டிற்குப் பிறகும் அந்த நிறுவனத்தின் நிகர மதிப்பு குறைந்தபட்ச தேவையை விட 1.5 மடங்கு அதிகமாக இருக்க வேண்டும்.
நிர்வாகத்தின் பொறுப்பு
இந்த திட்டத்தில் Clearing Corporations-க்கு விலக்கு அளிக்கப்பட்டுள்ளது. அதே நேரத்தில், பங்குச்சந்தைகள் மற்றும் டெபாசிட்டரிகளின் போர்டு (Board) தான் இனி அனைத்து வணிக விரிவாக்கங்களுக்கும் பொறுப்பேற்க வேண்டும். வர்த்தக செயல்பாடுகளுக்கும், புதிய வணிக முயற்சிகளுக்கும் இடையே எந்தவித மோதலும் (Conflict of interest) ஏற்படாதவாறு 'Ring-fencing' முறையில் வளங்களை பிரிக்க வேண்டும் என செபி அறிவுறுத்தியுள்ளது.
முதலீட்டாளர்கள் கம்பெனிகளின் கேபிடல் ஸ்பெண்டிங் (Capital Spending) குறித்து விழிப்புடன் இருக்க வேண்டும். இது குறித்த கருத்துக்களை நவம்பர் 12, 2026 வரை பொதுமக்கள் மற்றும் பங்குதாரர்கள் தெரிவிக்கலாம்.