இந்திய பங்குச்சந்தையில் முக்கிய மாற்றங்களை கொண்டுவர SEBI திட்டமிட்டுள்ளது. SME IPO கட்டுப்பாடு, பாண்ட் சந்தை மற்றும் AI தொழில்நுட்பத்தை ஒருங்கிணைப்பதன் மூலம் முதலீட்டாளர்களின் பாதுகாப்பை உறுதி செய்ய செபி களமிறங்கியுள்ளது.
இந்திய பங்குச்சந்தையின் மதிப்பு ₹472 லட்சம் கோடி என்ற பிரம்மாண்டத்தை எட்டியுள்ள நிலையில், சுமார் 15 கோடி முதலீட்டாளர்களின் நலனைக் காக்க SEBI புதிய ஒழுங்குமுறை மாற்றங்களை அறிவித்துள்ளது. நவீன தொழில்நுட்பங்களை இணைத்து, நிர்வாகச் சிக்கல்களைக் குறைப்பதே இதன் நோக்கம்.
SME IPO-வில் கெடுபிடி
சமீபகாலமாக SME நிறுவனங்களின் பங்கு வர்த்தகம் அதிகரித்துள்ளதால், அதன் வெளிப்படைத்தன்மையை மேம்படுத்த SEBI முனைப்பு காட்டி வருகிறது. குறிப்பாக, SME ஐபிஓ-க்களுக்கான Listing Obligations மற்றும் Disclosure விதிகளை மாற்றி அமைப்பதன் மூலம், முதலீட்டாளர்கள் ஆபத்தான மற்றும் தரம் குறைந்த நிறுவனங்களில் முதலீடு செய்வதைத் தவிர்க்க முடியும்.
பாண்ட் சந்தையில் லிக்விடிட்டி (Liquidity)
பங்குச்சந்தைக்கு இணையாக, கார்ப்பரேட் பாண்ட் சந்தையிலும் சில்லறை முதலீட்டாளர்களின் பங்கேற்பை அதிகரிக்க செபி திட்டமிட்டுள்ளது. இதற்காக, Fixed Income Channel Partners அறிமுகப்படுத்தப்பட உள்ளது. மேலும், Demat 2.0 திட்டத்தின் கீழ் டிஜிட்டல் முறையில் பாண்ட் வர்த்தகம் செய்ய வழிவகை செய்யப்படுகிறது.
AI சாண்ட்பாக்ஸ் (AI Sandbox)
புதிய நிதி தொழில்நுட்ப நிறுவனங்கள் (Fintech) தங்களின் தயாரிப்புகளை பாதுகாப்பான முறையில் சோதிக்க AI Sandbox உருவாக்கப்பட உள்ளது. இது சந்தையில் முறையான கண்டுபிடிப்புகளை ஊக்குவிக்கும் அதேவேளையில், முறையற்ற ரிஸ்க்குகளைக் குறைக்கும்.
தற்போது வெறும் 36% முதலீட்டாளர்கள் மட்டுமே போதுமான நிதி அறிவு பெற்றிருப்பதாக புள்ளிவிவரங்கள் கூறுகின்றன. எனவே, இந்தத் தொழில்நுட்ப மாற்றங்களுடன் சேர்த்து, முதலீட்டாளர் கல்வி விழிப்புணர்வையும் SEBI தீவிரப்படுத்த உள்ளது.