SME IPO: அதிரடி மாற்றத்திற்கு தயாராகும் SEBI! பங்குகளில் நிலவும் ஊகங்களை கட்டுப்படுத்த புதிய விதிகள்?

SME எனப்படும் சிறிய மற்றும் நடுத்தர நிறுவனங்களின் பங்குச் சந்தை பட்டியலிடல் விவகாரத்தில், SEBI ஒரு விரிவான மறுஆய்வை மேற்கொள்ளத் திட்டமிட்டுள்ளது. குறிப்பாக, சந்தையில் நிலவும் அதிகப்படியான ஏற்ற இறக்கங்கள் (Volatility) மற்றும் நிறுவனங்களின் நிர்வாக நடைமுறைகள் குறித்த கவலைகள் அதிகரித்துள்ள நிலையில், இது குறித்து விரைவில் ஒரு ஆலோசனைக் கட்டுரையை (Consultation paper) வெளியிட செபி முடிவு செய்துள்ளது.

ஏன் இந்த மாற்றம்?

தற்போதைய SME IPO விதிகள் சிறிய நிறுவனங்களுக்கு அதிக காம்ப்ளையன்ஸ் (Compliance) செலவுகளை ஏற்படுத்துவதாக விமர்சனங்கள் எழுந்துள்ளன. ஏற்கனவே, மினிமம் அப்ளிகேஷன் சைஸ் மற்றும் டிரேடிங் லாட் மதிப்பை உயர்த்தியது போன்ற நடவடிக்கைகள் எடுக்கப்பட்டாலும், அவை பெரிய அளவில் பலனளிக்கவில்லை. மாறாக, முதலீட்டாளர்கள் பங்குகளை விற்று வெளியேறுவதில் சிரமங்கள் நீடிக்கின்றன.

என்னென்ன மாற்றங்கள் வரலாம்?

• மார்க்கெட் கேப்: தகுதியுள்ள நிறுவனங்களின் மார்க்கெட் கேப்பிடலைசேஷன் வரம்பை ₹4,000 கோடி வரை உயர்த்துவது குறித்து ஆலோசிக்கப்படுகிறது.
• நிர்வாக சீர்திருத்தம்: நிறுவனங்களின் Paid-up capital அளவீடுகளை மறுசீரமைப்பதன் மூலம், வலுவான நிறுவனங்களை மட்டும் சந்தையில் அனுமதிப்பது.
• Institutional Quota: சில்லறை முதலீட்டாளர்களின் ஊக அடிப்படையிலான பிட்டிங்கைக் குறைத்து, நிறுவன முதலீட்டாளர்களின் பங்களிப்பை அதிகரிக்க திட்டமிடப்பட்டுள்ளது.

இப்போதைக்கு, இவை அனைத்தும் ஆலோசனைக் கட்டத்தில் மட்டுமே உள்ளன. எந்தவொரு இறுதி விதிகளும் இன்னும் அமலுக்கு வரவில்லை. இருப்பினும், எதிர்காலத்தில் வரப்போகும் இந்த மாற்றங்கள் SME சந்தையில் தரமான நிறுவனங்கள் மட்டுமே பட்டியலிடப்படுவதை உறுதி செய்யும் என்று எதிர்பார்க்கப்படுகிறது.