SEBI நிறுவனம், இன்சூரன்ஸ் ரெகுலேட்டருடன் இணைந்து, முதலீட்டாளர்களின் இன்சூரன்ஸ் விவரங்களை Consolidated Account Statement (CAS)-இல் சேர்க்க திட்டமிட்டுள்ளது. இதன் மூலம் பங்குகள், மியூச்சுவல் ஃபண்ட் மற்றும் இன்சூரன்ஸ் என அனைத்தையும் ஒரே இடத்தில் டிராக் செய்யலாம்.
இந்திய முதலீட்டாளர்களின் நிதி மேலாண்மையை எளிதாக்க SEBI புதிய முயற்சியில் இறங்கியுள்ளது. தற்போது, பங்குச்சந்தை முதலீடுகள் மற்றும் மியூச்சுவல் ஃபண்ட் விவரங்களை மட்டுமே கொண்ட Consolidated Account Statement (CAS)-இல், இனி இன்சூரன்ஸ் பாலிசி விவரங்களையும் இணைக்க Insurance Regulatory and Development Authority of India (IRDAI)-விடம் கோரிக்கை விடுக்கப்பட்டுள்ளது.
இது எப்படிச் செயல்படும்?
இந்த ஒருங்கிணைப்பு 'Account Aggregator' கட்டமைப்பு மூலம் சாத்தியமாகும். இது டிஜிட்டல் பாலம் போல செயல்பட்டு, முதலீட்டாளர்களின் ஒப்புதலுடன் பாதுகாப்பாக தரவுகளைப் பரிமாற உதவும். இதனால், உங்கள் பேங்க் பேலன்ஸ், பங்கு முதலீடுகள் மற்றும் இன்சூரன்ஸ் கவரேஜ் ஆகியவற்றை ஒரே ஆப் மூலம் பார்த்துக்கொள்ள முடியும். இருப்பினும், அனைத்து தரவுகளும் ஒரே இடத்தில் குவியும்போது, டேட்டா பாதுகாப்பு (Data Privacy) மிக முக்கியமானது என்பதால், ரெகுலேட்டர்கள் எந்த மாதிரியான பாதுகாப்பு விதிகளை கொண்டு வருகிறார்கள் என்பதை கவனிக்க வேண்டும்.
பிற முக்கிய மாற்றங்கள்
நிதியாண்டு மாற்றங்களின் ஒரு பகுதியாக, Stock Lending and Borrowing Mechanism-ஐ மேம்படுத்தவும் SEBI திட்டமிட்டுள்ளது. இதன் மூலம் முதலீட்டாளர்கள் தங்களிடம் சும்மா இருக்கும் பங்குகளைக் கடன் கொடுத்து கூடுதல் வருமானம் ஈட்ட வழிவகை செய்யப்பட உள்ளது.
அதேபோல், UPI மூலம் செய்யப்படும் பங்குச்சந்தை வர்த்தகத்திற்கு 0.02% Merchant Discount Rate வசூலிக்கப்படும் என்ற பேச்சுவார்த்தை நடந்து வருகிறது. இதற்கு பல புரோக்கரேஜ் நிறுவனங்கள் எதிர்ப்பு தெரிவித்துள்ளன. இதனால் முதலீட்டாளர்களின் ஆர்வம் குறையலாம் எனக் கருதப்படுவதால், NPCI இந்த கட்டண அமலாக்கத்தை தீபாவளி வரை தள்ளிவைத்துள்ளது.