டெபிட் செக்யூரிட்டிகளில் (Debt Securities) முதலீடு செய்யும் சாதாரண முதலீட்டாளர்களின் பாதுகாப்பு கருதி, இனி அனைத்து தளங்களிலும் 'Credit Risk-o-Meter' என்ற கலர்-கோடட் கருவியை கட்டாயம் காட்ட வேண்டும் என SEBI உத்தரவிட்டுள்ளது.
டெபிட் மார்க்கெட்டில் நடக்கும் மோசடிகளை தடுக்கவும், முதலீட்டாளர்களுக்கு தெளிவான புரிதலை ஏற்படுத்தவும் SEBI இந்த புதிய முயற்சியை கையில் எடுத்துள்ளது. இனி நான்-கன்வெர்டிபிள் செக்யூரிட்டிகள், கமர்ஷியல் பேப்பர்கள் போன்ற கடன் சார்ந்த முதலீட்டு வாய்ப்புகளைப் பார்க்கும்போது, அங்குள்ள ரிஸ்க் அளவை ஒரு கிராஃபிக் கருவியாகப் பார்க்கலாம்.
எப்படி வேலை செய்யும் இந்த மீட்டர்?
இந்த மீட்டர் 6 வெவ்வேறு ரிஸ்க் நிலைகளைக் கொண்டிருக்கும். AAA ரேட்டிங் உள்ளவை பாதுகாப்பானவை என்றும், B ரேட்டிங்கிற்கு கீழ் உள்ளவை அதிக ரிஸ்க் கொண்டவை என்றும் இதில் தெளிவாகக் காட்டப்படும். ஒரு நிறுவனத்திற்கு பல ரேட்டிங்குகள் இருந்தால், அதில் எது மிக மோசமான (Conservative) ரேட்டிங்கோ, அதையே இந்த மீட்டர் பிரதிபலிக்கும்.
பிளாட்பாரங்களுக்கு அதிரடி உத்தரவு
ஆன்லைன் பாண்ட் பிளாட்பார்ம்கள் (OBPPs) தங்களின் தளத்தில் 'Invest' பட்டனுக்கு முன்னால் இந்த மீட்டரை கட்டாயம் வைக்க வேண்டும். ரேட்டிங்கில் மாற்றம் ஏற்பட்டால், அடுத்த 24 மணி நேரத்திற்குள் இந்த மீட்டரில் அப்டேட் செய்யப்பட வேண்டும். இதற்கென தனி மென்பொருள் வசதிகளை பிளாட்பாரங்கள் உருவாக்க வேண்டும்.
முதலீட்டாளர்களுக்கான எச்சரிக்கை
- அன்-செக்யூர்டு (Unsecured): பிணையம் இல்லாத கடன் பத்திரங்கள் இருந்தால், அவை தடிமனான சிவப்பு நிறத்தில் காட்டப்படும்.
- ரிஸ்க் எச்சரிக்கை: பெர்பெச்சுவல் மற்றும் AT1 பாண்டுகளில் முதலீடு செய்யும்போது, முதலீடு முழுவதையும் இழக்க வாய்ப்புள்ளது என்ற டிஸ்கிளைமரை பார்க்க வேண்டும்.
- கிரே ஜோன் (Grey Zone): ரேட்டிங் ஏஜென்சிகளிடம் ஒத்துழைக்காத நிறுவனங்களை, 'Issuer Not Cooperating' என்ற தனிப் பிரிவின் கீழ் கொண்டு வந்து, முதலீட்டாளர்களுக்கு எச்சரிக்கை விடுக்கப்படும். இனி பாண்டுகளில் முதலீடு செய்வதற்கு முன் இந்த ரிஸ்க் மீட்டரை பார்ப்பது உங்களின் அடிப்படை கடமையாகும்.