FPI முதலீட்டாளர்கள் தொடர்ந்த வழக்கில், விசாரணையின் உள்நோட்டங்களை (Internal file notations) வழங்க SEBI ஒப்புக்கொண்டதையடுத்து, அந்த வழக்குகளை Securities Appellate Tribunal (SAT) முடித்து வைத்துள்ளது.
என்ன நடந்தது?
LTS Investment Fund, Asia Investment Corporation Mauritius, APMS Investment Fund, Albula Investment Fund மற்றும் Cresta Fund ஆகிய 5 வெளிநாட்டு போர்ட்ஃபோலியோ முதலீட்டாளர்கள் (FPIs) மீது SEBI விசாரணை நடத்தி வந்தது. 2023-ல் Hindenburg Research வெளியிட்ட அறிக்கையைத் தொடர்ந்து இந்த நிறுவனங்கள் ஸ்கேனரில் இருந்தன.
சர்ச்சையின் மையம் என்ன?
விசாரணையைத் தொடங்குவதற்கு முன்பாக, அதற்கான காரணங்களை முறையாக ஆவணப்படுத்தவில்லை என்பது முதலீட்டாளர்களின் முக்கிய புகாராக இருந்தது. குறிப்பாக, SEBI-ன் 1995-ம் ஆண்டு விதிகளின்படி (Rule 4(3)) முறையான நடைமுறைகள் பின்பற்றப்படவில்லை என்று அவர்கள் வாதிட்டனர். வெளிப்படைத்தன்மை வேண்டும் என்பதே இவர்களின் கோரிக்கையாக இருந்தது.
சட்ட ரீதியான முன்னேற்றம்
தொடக்கத்தில் இந்த கோரிக்கையை SEBI மறுத்தாலும், தற்போது விசாரணை அதிகாரி தயாரித்த உள்நோட்டங்களை (Internal file notations) சம்பந்தப்பட்ட முதலீட்டாளர்களுக்கு வழங்க முன்வந்துள்ளது. இந்த முடிவின் மூலம், நீண்ட நாட்களாக நீடித்த procedural deadlock முடிவுக்கு வந்துள்ளது.
இது விசாரணையின் சாராம்சத்தை மாற்றப்போவதில்லை என்றாலும், ஒழுங்குமுறை ஆணையத்தின் செயல்பாடுகளில் வெளிப்படைத்தன்மையை அதிகரித்துள்ளது. இனி, இந்த நிறுவனங்கள் மீதான விசாரணை நடைமுறைகள் தடையின்றி தொடரும் என்று எதிர்பார்க்கப்படுகிறது.