National Commodity & Derivatives Exchange (NCDEX) வருகிற அக்டோபர் **22**-ம் தேதி இரண்டு ஈக்விட்டி மற்றும் இரண்டு அக்ரி இண்டெக்ஸுகளை அறிமுகம் செய்ய உள்ளது. இதன் மூலம் மல்டி-அசெட் தளமாக உருவெடுக்கிறது NCDEX.
மல்டி-அசெட் நோக்கிய பயணம்
தனிப்பட்ட முறையில் கமாடிட்டி சந்தையில் மட்டுமே கவனம் செலுத்தி வந்த NCDEX, இப்போது தனது எல்லையை விரிவுபடுத்தி மல்டி-அசெட் பிளாட்ஃபார்மாக மாறுகிறது. அக்டோபர் 22-ல் அறிமுகமாக இருக்கும் இந்த நான்கு இண்டெக்ஸுகளில், லார்ஜ்-கேப் மற்றும் ஃபைனான்சியல் சர்வீசஸ் துறைகளைச் சார்ந்த இரண்டு ஈக்விட்டி இண்டெக்ஸுகளும் அடங்கும்.
மேலும், கடந்த 2022 பிப்ரவரியில் நிறுத்தப்பட்ட கார் (Guar) மற்றும் ஸ்பைசஸ் (Spices) டிரேடிங் இன்ஸ்ட்ருமென்ட்டுகளை மீண்டும் கொண்டு வருவது, விவசாயப் பொருட்கள் வர்த்தகர்களுக்கு பெரும் உற்சாகத்தை அளித்துள்ளது.
ஏன் இந்த தாமதம்?
எதிர்பார்க்கப்பட்ட ஈக்விட்டி டெரிவேட்டிவ்ஸ் (Equity Derivatives) அறிமுகம் 2027-ம் ஆண்டின் மத்தி வரை தள்ளி வைக்கப்பட்டுள்ளது. இதற்கு முக்கிய காரணம் SEBI விதித்துள்ள கெடுபிடிதான். அதாவது, கேஷ் மார்க்கெட்டில் வர்த்தகம் தொடங்கி, போதிய லிக்விடிட்டி (Liquidity) உறுதி செய்யப்பட்ட பிறகுதான், டெரிவேட்டிவ்ஸ் அனுமதி வழங்க வேண்டும் என்பது ரெகுலேட்டரின் கட்டளை. சந்தை பாதுகாப்பை கருத்தில் கொண்டு இந்த முடிவு எடுக்கப்பட்டுள்ளது.
பலம் சேர்க்கும் ஜாம்பவான்கள்
இந்த மாற்றங்களுக்குப் பின்னால் பெரிய முதலீட்டாளர்களின் ஆதரவு உள்ளது. ராதாகிஷன் தமானி, மது கேலா, ரமேஷ் தமானி போன்ற ஜாம்பவான்களுடன், Zerodha மற்றும் Groww போன்ற முன்னணி நிறுவனங்களும் முதலீடு செய்துள்ளன. தொழில்நுட்பக் கட்டமைப்பை மேம்படுத்த Tata Consultancy Services (TCS) நிறுவனத்துடன் NCDEX கைகோர்த்துள்ளது.