ஆகஸ்ட் 2026-ல் மட்டும் சுமார் ₹22,400 கோடி திரட்டப்பட்டுள்ளது. செப்டம்பர் 30-ம் தேதிக்குள்ளாக பல நிறுவனங்கள் IPO கொண்டு வரும் நிலையில், மார்க்கெட் மோகத்தில் சிக்காமல் முதலீட்டாளர்கள் கவனமாக இருக்க வேண்டியது அவசியம்.
இந்திய பங்குச்சந்தையில் தற்போது புதிய நிறுவனங்களின் வரவு மிக வேகமாக உள்ளது. ஆகஸ்ட் 2026-ல் மட்டும் சுமார் ₹22,400 கோடி திரட்டப்பட்டுள்ளது. இதற்கு முக்கிய காரணம் SEBI-ன் விதிமுறைதான். செப்டம்பர் 30, 2026-க்குள் நிறுவனங்கள் தங்களது IPO-வை நடத்தி முடிக்க வேண்டும், இல்லையெனில் அனுமதி ரத்தாகும் என்பதால் நிறுவனங்கள் போட்டி போட்டுக்கொண்டு களமிறங்குகின்றன.
கண்ணை மூடிக்கொண்டு முதலீடு செய்ய வேண்டாம்
புதிய பங்குகளில் முதலீடு செய்வது ரிஸ்க் அதிகம். சமீபத்தில் வந்த IPO-களில் சுமார் 40% பங்குகள், தற்பொழுது இஷ்யூ விலையை விட கீழே வர்த்தகமாகிக் கொண்டிருக்கின்றன. பழைய டேட்டாக்கள் இல்லாததால், இந்த நிறுவனங்களை ஆய்வு செய்வது சவாலான காரியம்.
லாபத்தை மட்டும் பார்க்காதீர்கள்
பல நிறுவனங்கள் தங்கள் லாபத்தை (Profit) கணக்கு வழக்குகளில் அழகாகக் காட்ட முயற்சிக்கும். வெறும் லாபத்தை மட்டும் பார்க்காமல், Red Herring Prospectus (RHP)-ல் உள்ள பணப்புழக்கம் (Cash Flow) அறிக்கையை கவனியுங்கள். முக்கிய தொழிலில் இருந்து பணம் வருகிறதா அல்லது வெறும் கணக்கு மாற்றங்கள் மூலம் லாபம் காட்டுகிறார்களா என்பது முக்கியம்.
Governance மற்றும் கடன்கள்
நிறுவனத்தின் புரமோட்டர்கள் அடிக்கடி பிசினஸ் ஸ்டார்ட்ஜியை மாற்றுவது அல்லது தங்களுக்குள் சொந்தமான பிற நிறுவனங்களுடன் பெரிய அளவில் பரிவர்த்தனை செய்வது ஒரு எச்சரிக்கை மணி. அதேபோல், 'Contingent Liabilities' எனப்படும் மறைமுகக் கடன்கள் (வரி சிக்கல்கள் போன்றவை) பற்றியும் சரிபார்க்க வேண்டும். ஷார்ட்-டெர்ம் கடன்களை வைத்து அன்றாட பிசினஸை நடத்தும் நிறுவனங்கள் நிதிச் சிக்கலில் சிக்க வாய்ப்பு அதிகம்.
வேல்யூவேஷன் ஒப்பீடு
வளர்ச்சி உள்ளது என்பதற்காக அதிக விலை கொடுத்து வாங்க வேண்டாம். லாப வளர்ச்சி, ரெவென்யூ வளர்ச்சியை விட அதிகமாக இருக்கிறதா என்று பாருங்கள். தங்களை விட அதிக வேல்யூவேஷன் கொண்ட நிறுவனங்களுடன் ஒப்பிட்டு, தங்கள் IPO விலை மலிவானது என சில நிறுவனங்கள் காட்ட முயற்சிக்கும். இதைத் தவிர்க்கவும். சந்தை மோகம் அல்லது கிரே மார்க்கெட் பிரீமியத்தை நம்பி முதலீடு செய்யாமல், ஆவணங்களை முறையாகப் படித்து முடிவெடுப்பதே புத்திசாலித்தனம்.