முன்னணி Debenture Trustee நிறுவனங்கள் இணைந்து கட்டணங்களை (Service Fees) நிர்ணயித்த விவகாரத்தில், CCI கடுமையான எச்சரிக்கை விடுத்துள்ளது. எதிர்காலத்தில் இது போன்ற விதிமீறல்கள் நடந்தால் கடும் நடவடிக்கை எடுக்கப்படும் என ஆணையம் தெரிவித்துள்ளது.
இந்திய போட்டி ஆணையம் (CCI), Trustees’ Association of India மற்றும் மூன்று முக்கிய நிறுவனங்களான IDBI Trusteeship Services, Axis Trustee Services, மற்றும் SBI CAP Trustee Company ஆகியவற்றின் கட்டண நிர்ணய நடைமுறைகளுக்கு முற்றுப்புள்ளி வைத்துள்ளது. 2021 மற்றும் 2022 நிதி ஆண்டுகளில் நடத்தப்பட்ட ஆய்வுகளின் அடிப்படையில் இந்த உத்தரவு பிறப்பிக்கப்பட்டுள்ளது.
முறைகேடு என்ன?
இந்த நிறுவனங்கள் மற்றும் சங்கம் இணைந்து, தங்களின் சேவைகளுக்கு ஒரு குறிப்பிட்ட கட்டண அளவை (Benchmark fees) நிர்ணயித்து வந்துள்ளன. இதனால், தனிப்பட்ட நிறுவனங்கள் சுதந்திரமாக விலையை நிர்ணயிக்க முடியாமல் போனது. இதன் விளைவாக நிதிச் சந்தையில் ஆரோக்கியமான போட்டி பாதிக்கப்பட்டது.
Muthoot Finance புகார்
இந்த விசாரணையானது 2021-ல் Muthoot Finance அளித்த புகாரைத் தொடர்ந்து தொடங்கியது. ₹982 கோடி மதிப்பிலான Non-convertible debentures-க்கான சேவை கட்டணங்களை விசாரித்தபோது, இந்த நிறுவனங்கள் ஒரே மாதிரியான விலையை கட்டாயப்படுத்தியது தெரியவந்தது.
அபராதமா? எச்சரிக்கையா?
தற்போது CCI எந்தவித பண அபராதமும் விதிக்கவில்லை. எனினும், இதை ஒரு 'Cease and Desist' உத்தரவாகக் கருதி, இனிவரும் காலங்களில் இது போன்ற செயல்களில் ஈடுபட்டால் கடுமையான தண்டனை வழங்கப்படும் என எச்சரித்துள்ளது. கடனீட்டுப் பத்திரங்களை நிர்வகிக்கும் இந்த நிறுவனங்கள், இனி வெளிப்படையான கட்டண முறையைப் பின்பற்ற வேண்டும் என்று ஆணையம் அறிவுறுத்தியுள்ளது.