இந்திய விண்வெளி ஆய்வு நிறுவனமான ISRO, EOS-05 செயற்கைக்கோளை செப்டம்பர் 4, 2026 அன்று ஸ்ரீஹரிகோட்டாவிலிருந்து ஏவுகிறது. புவிநிலை சுற்றுப்பாதையில் நிலைநிறுத்தப்படும் இந்த சாட்டிலைட், தொடர்ந்து நிகழ்நேர கண்காணிப்பிற்கு உதவும்.
இந்திய விண்வெளி ஆய்வு நிறுவனம் (ISRO), EOS-05 பூமி கண்காணிப்பு செயற்கைக்கோளை செப்டம்பர் 4, 2026 அன்று அதிகாலை 02:55 மணிக்கு விண்ணில் செலுத்த திட்டமிட்டுள்ளது. ஸ்ரீஹரிகோட்டாவில் உள்ள சதீஷ் தவான் விண்வெளி மையத்தின் இரண்டாவது ஏவுதளத்திலிருந்து, GSLV-F17 ராக்கெட் மூலம் இந்த பணி மேற்கொள்ளப்படுகிறது.
இந்த செயற்கைக்கோள் புவிநிலை சுற்றுப்பாதையில் (geosynchronous orbit) நிலைநிறுத்த வடிவமைக்கப்பட்டுள்ளது. பொதுவாக மற்ற செயற்கைக்கோள்கள் பூமியைச் சுற்றி வரும்போது அவ்வப்போது மட்டுமே தகவல்களை வழங்கும். ஆனால், EOS-05 ஒரு குறிப்பிட்ட பகுதியைத் தொடர்ந்து கண்காணிக்கும் வகையில் அமைக்கப்பட்டுள்ளது. இது பேரிடர் மேலாண்மை, விவசாய கண்காணிப்பு மற்றும் பாதுகாப்புத் துறைக்கு மிகப்பெரிய உதவியாக இருக்கும்.
மீண்டு வருமா இஸ்ரோ?
இந்த ஏவுதல் விண்வெளித் துறைக்கு மிகவும் முக்கியமானது. கடந்த ஜனவரி 2026-ல் நடந்த PSLV-C62 மிஷன் தோல்விக்குப் பிறகு, இஸ்ரோ இந்த ஏவுதலை ஒரு முக்கிய சோதனையாகப் பார்க்கிறது. GSLV ராக்கெட்டின் நம்பகத்தன்மை குறித்தான கேள்விகளுக்கு, இந்த GSLV-F17 வெற்றி ஒரு சிறந்த பதிலாக அமையும்.
முதலீட்டாளர்களுக்கு ஒரு குறிப்பு
ISRO ஒரு அரசு அமைப்பு என்பதால், இதில் நேரடியாக முதலீடு செய்ய முடியாது. இருப்பினும், இஸ்ரோவின் வெற்றி, விண்வெளித் துறையில் ஈடுபட்டுள்ள பல தனியார் நிறுவனங்களின் வளர்ச்சியைத் தீர்மானிக்கிறது. உதிரிபாகங்கள், எலக்ட்ரானிக்ஸ் மற்றும் பொறியியல் சேவைகளை வழங்கும் பல இந்திய நிறுவனங்கள், இஸ்ரோவின் இந்த தொடர் வெற்றிகளை நம்பியே உள்ளன. இந்த ஏவுதல் திட்டத்தின் வெற்றிக்குப் பிறகு, இந்த தனியார் நிறுவனங்களின் பங்குகளில் ஏற்படும் மாற்றங்களை கவனிப்பது விவேகமானது.