தமிழ்நாட்டில் ரூஃப்டாப் சோலார் சிஸ்டம் பொருத்துவோருக்கு மத்திய அரசின் PM Surya Ghar ஸ்கீமுடன் சேர்த்து, மாநில அரசு கூடுதலாக ₹22,000 வரை சப்சிடி வழங்குகிறது.
தமிழ்நாட்டில் சோலார் மின்சக்தி பயன்பாட்டை அதிகரிக்க, வீட்டு உபயோக ரூஃப்டாப் சோலார் திட்டங்களுக்கு மாநில அரசு புதிய சப்சிடி திட்டத்தை அறிவித்துள்ளது. மத்திய அரசின் PM Surya Ghar திட்டத்தின் கீழ் வழங்கப்படும் மானியத்துடன், இந்த மாநில அரசு மானியமும் இணையும்போது, ஆரம்பக்கட்ட முதலீடு பல மடங்கு குறையும்.
புதிய மானிய விவரம்:
புதிய கொள்கையின்படி, வீடுகளில் சோலார் அமைக்க:
- 1 kW சிஸ்டத்திற்கு: ₹5,000
- 2 kW சிஸ்டத்திற்கு: ₹10,000
- 3 kW சிஸ்டத்திற்கு: ₹22,000 என கூடுதலாக மானியம் கிடைக்கும். இதற்கு மாநில அரசு ₹50 கோடி பட்ஜெட்டை ஒதுக்கியுள்ளது.
மற்ற மாநிலங்களை விட பின்தங்கிய தமிழகம்:
மார்ச் 2026 நிலவரப்படி, தமிழ்நாட்டில் 60,151 வீடுகளில் மட்டுமே சோலார் பொருத்தப்பட்டுள்ளது. ஆனால், குஜராத்தில் 5,94,966, மகாராஷ்டிராவில் 4,90,666 மற்றும் உத்தரப் பிரதேசத்தில் 4,21,093 என சோலார் பயன்பாடு மிக அதிகமாக உள்ளது.
சவால் என்ன?
தமிழ்நாட்டில் பெரும்பாலான வீடுகளுக்கு ஏற்கனவே மின்சாரக் கட்டணத்தில் சலுகைகள் அல்லது இலவச மின்சாரம் கிடைப்பதால், மக்கள் சோலார் பக்கம் திரும்புவதில் ஆர்வம் காட்டவில்லை. எனவே, எதிர்கால மின் கட்டண உயர்விலிருந்து தற்காத்துக்கொள்ள இது அவசியம் என விழிப்புணர்வு ஏற்படுத்த வேண்டியது கட்டாயமாகிறது.
முதலீட்டாளர்களுக்கு இது வாய்ப்பா?
சோலார் உபகரணங்கள் தயாரிக்கும் நிறுவனங்கள், இன்ஸ்டாலேஷன் செய்யும் சர்வீஸ் நிறுவனங்களுக்கு இது ஒரு நல்ல வாய்ப்பு. இருப்பினும், இந்த சப்சிடி எவ்வளவு வேகமாக மக்களுக்கு சென்றடைகிறது மற்றும் நெட் மீட்டரிங் (Net Metering) முறைகள் எவ்வளவு எளிமையாக அமல்படுத்தப்படுகிறது என்பதை பொறுத்தே இதன் வணிக வெற்றி அமையும்.