Jammu and Kashmir-ல் பிரதமர் மோடியின் PM Surya Ghar திட்டத்தில் நிதி சிக்கல் ஏற்பட்டுள்ளது. சுமார் 17,000-க்கும் மேற்பட்ட சோலார் கடன் விண்ணப்பங்கள் நிராகரிக்கப்பட்டுள்ளதால், திட்டத்தின் வேகம் குறைந்துள்ளது.
ஜம்மு காஷ்மீர் மாநிலத்தின் வீட்டு கூரை சோலார் திட்டமான 'PM Surya Ghar' தற்போது கடுமையான நிதி சவால்களை சந்தித்து வருகிறது. மார்ச் 2027-க்குள் 83,500 சோலார் யூனிட்களை நிறுவ இலக்கு நிர்ணயிக்கப்பட்ட நிலையில், இதுவரை 46,133 வீடுகளில் மட்டுமே சோலார் பேனல்கள் பொருத்தப்பட்டுள்ளன. இது நிர்ணயிக்கப்பட்ட இலக்கில் சுமார் 55.24% ஆகும்.
கடன் நிராகரிப்பு - ஒரு பெரும் தடை
அரசு தரவுகளின்படி, மொத்தம் 17,416 கடன் விண்ணப்பங்கள் நிராகரிக்கப்பட்டுள்ளன. இதில் 14,232 விண்ணப்பங்கள் காஷ்மீர் மின் விநியோக கழகத்தின் (KPDCL) கீழ் வரும் பகுதிகளில் மட்டுமே நிராகரிக்கப்பட்டுள்ளது. இந்தத் திட்டத்தில் சுமார் 75% நிறுவல்களுக்கு வங்கி கடன் தான் ஆதாரமாக உள்ளது என்பது குறிப்பிடத்தக்கது.
ஏன் கடன் மறுப்பு?
வங்கி அதிகாரிகள் தரப்பில், சோலார் வெண்டார்களின் நம்பகத்தன்மை குறித்த தெளிவற்ற நடைமுறைகள் மற்றும் ஆவணங்களில் உள்ள குறைபாடுகளை சுட்டிக்காட்டுகின்றனர். திட்டங்களின் நீண்டகால நம்பகத்தன்மை குறித்த அச்சமே வங்கிகள் கடன் வழங்க தயங்குவதற்கு முக்கிய காரணமாக உள்ளது.
தற்போதைய நிலவரப்படி, மத்திய அரசு ₹344.14 கோடி மானியமாகவும், யூனியன் பிரதேச நிர்வாகம் ₹13 கோடி மானியமாகவும் விநியோகித்துள்ளன. இருப்பினும், நிதி கிடைப்பதில் உள்ள தாமதம் திட்டத்தை பாதித்துள்ளது.
அடுத்த கட்ட நடவடிக்கை
இதனை சீர்செய்ய தலைமை செயலாளர் அடல் துல்லு, மின்சாரத் துறை மற்றும் விநியோக நிறுவனங்களுக்கு அதிரடி உத்தரவு பிறப்பித்துள்ளார். நிராகரிக்கப்பட்ட அனைத்து கடன் விண்ணப்பங்களையும் மறு ஆய்வு (Forensic Review) செய்யவும், கடன் வழங்குபவர்களுக்கும் வெண்டார்களுக்குமான ஒருங்கிணைப்பை மேம்படுத்தவும் நடவடிக்கை எடுக்கப்பட்டுள்ளது. மார்ச் 2027 இலக்கை அடைய, ஆவண நடைமுறைகளை எளிமையாக்குவது அவசியமாகிறது.