Pradhan Mantri Surya Sarovar Yojana: இந்தியாவின் புதிய அதிரடி திட்டம், 5,000 MW மின்சாரம் தயாரிக்கும் இலக்கு!

நிலத்திற்குத் தட்டுப்பாடு நிலவும் சூழலில், நீர்நிலைகளை மின் உற்பத்திக்கு மாற்றும் நோக்கில் மத்திய புதுப்பிக்கத்தக்க எரிசக்தி அமைச்சகம் (MNRE) இந்த புதிய திட்டத்தை கையில் எடுத்துள்ளது. இதற்காக மொத்தம் ₹5,070 கோடி ஒதுக்கீடு செய்யப்பட்டுள்ளது. இதன் மூலம் 2030-31 ஆம் நிதியாண்டுக்குள் 5,000 MW மிதக்கும் சூரிய ஒளி மின்சாரத்தை உருவாக்க இலக்கு நிர்ணயிக்கப்பட்டுள்ளது.

அரசின் நிதியுதவி (Financial Incentives)

இந்த திட்டத்தில் ஈடுபடும் நிறுவனங்களுக்கு, திட்டங்களைச் சிறப்பாக முடிக்கும்பட்சத்தில் ஒரு மெகாவாட்டிற்கு ₹1 கோடி வீதம் மத்திய அரசு நிதி உதவி (Central Financial Assistance) வழங்கும். மேலும், திட்டத்தின் சாத்தியக்கூறுகள் மற்றும் சுற்றுச்சூழல் ஆய்வுகளை மேற்கொள்ள ஒவ்வொரு திட்டத்திற்கும் ₹50 லட்சம் வரை நிதி உதவி வழங்கப்படுகிறது.

முதலீட்டாளர்கள் கவனத்திற்கு!

மிதக்கும் சோலார் திட்டங்களுக்கு, தரைப்பகுதியில் அமைக்கப்படும் சோலார் பேனல்களை விட 25% கூடுதல் செலவாகும். இதற்குச் சிறப்பு மிதக்கும் கட்டமைப்புகள் (Buoyant structures) மற்றும் துருப்பிடிக்காத தொழில்நுட்பங்கள் தேவை. இதனுடன், மின்சார விநியோகத்தை சீராக வைக்க 10,000 MWh பேட்டரி ஸ்டோரேஜ் வசதியும் கட்டாயமாக்கப்பட்டுள்ளது. இது திட்டத்தின் ஒட்டுமொத்த முதலீட்டுத் தேவையை (Capital Expenditure) அதிகரித்தாலும், நீண்ட கால அடிப்படையில் புதுப்பிக்கத்தக்க எரிசக்தித் துறையில் இது மிகப்பெரிய மாற்றத்தை ஏற்படுத்தும் என எதிர்பார்க்கப்படுகிறது.