மேற்கு வங்க அரசு 1976-ம் ஆண்டு கொண்டுவரப்பட்ட Urban Land (Ceiling and Regulation) சட்டத்தை ரத்து செய்ய முடிவு செய்துள்ளது. இது பெரிய நிலப்பரப்புகளை உள்ளடக்கிய கட்டுமான திட்டங்களுக்கு வழிவகுக்கும்.
மேற்கு வங்க அரசு தனது தொழில்முறை மற்றும் முதலீட்டு சூழலை மேம்படுத்த வரலாற்று முக்கியத்துவம் வாய்ந்த ஒரு முடிவை எடுத்துள்ளது. 1976-ம் ஆண்டு கொண்டுவரப்பட்ட Urban Land (Ceiling and Regulation) Act சட்டத்தை முழுமையாக ரத்து செய்ய அம்மாநில அரசு திட்டமிட்டுள்ளது. அம்மாநில நிதி அமைச்சர் ஸ்வபன் தாஸ்குப்தா (Swapan Dasgupta) இந்த தகவலை உறுதிப்படுத்தியுள்ளார்.
கட்டுமான துறைக்கு ஏன் இந்த மாற்றம் முக்கியம்?
கடந்த பல ஆண்டுகளாக, நகர்ப்புறங்களில் ஒரு நபர் அல்லது நிறுவனம் 500 சதுர மீட்டர் நிலத்திற்கு மேல் வைத்திருக்க முடியாது என்ற கடுமையான கட்டுப்பாடு நிலவி வந்தது. இதனால், பெரிய அளவிலான கட்டுமான திட்டங்களை (Townships) செயல்படுத்த டெவலப்பர்கள் பெரும் சிரமப்பட்டனர். பெரிய நிறுவனங்களும், இன்ஸ்டிடியூஷனல் இன்வெஸ்டர்களும் பெரிய நிலப்பரப்புகள் இல்லாத காரணத்தால் மேற்கு வங்கத்தில் முதலீடு செய்யத் தயங்கினர். இப்போது இந்த தடை நீக்கப்படுவது, மாநிலத்தின் ரியல் எஸ்டேட் மற்றும் தொழில் வளர்ச்சிக்கு புதிய கதவுகளைத் திறந்துவிடும் என எதிர்பார்க்கப்படுகிறது.
முதலீட்டாளர்கள் கவனிக்க வேண்டியது என்ன?
இந்த மாற்றம் வரவேற்கத்தக்கது என்றாலும், முதலீட்டாளர்கள் சில விஷயங்களில் கவனமாக இருக்க வேண்டும். West Bengal Land Reforms Act போன்ற பிற நிலச் சட்டங்கள் இன்னும் நடைமுறையில் உள்ளன. குறிப்பாக, விவசாய நிலங்களை தொழில் பயன்பாட்டிற்கு மாற்றுவதில் இன்னும் சில சிக்கல்கள் உள்ளன.
மேலும், நிலத்தின் உரிமை ஆவணங்கள் (Land Titles) தொடர்பான சிக்கல்கள் மற்றும் நீண்டகாலமாக நிலுவையில் உள்ள வழக்குகள் இந்த சட்ட ரத்தால் மட்டும் தீர்ந்துவிடாது. எனவே, அரசு நில ஆவணங்களை டிஜிட்டல் மயமாக்குதல் மற்றும் உரிமை சர்ச்சைகளைத் தீர்ப்பதில் எவ்வளவு விரைவாகச் செயல்படுகிறது என்பதைப் பொறுத்தே உண்மையான முதலீட்டு ஆர்வம் அதிகரிக்கும்.