Trump Tower Kolkata: பல ஆண்டுகால காத்திருப்புக்கு முற்றுப்புள்ளி! டிசம்பர் 2026-க்குள் முடிவடையும் பிரம்மாண்ட திட்டம்

நீண்ட நாள் காத்திருப்பு முடிவுக்கு வருகிறதா?

38 தளங்களைக் கொண்ட Trump Tower Kolkata, கொல்கத்தாவின் மிக முக்கியமான EM Bypass பகுதியில் உருவாகி வருகிறது. இந்தத் திட்டத்தை Tribeca Developers, Unimark Group மற்றும் RDB Group ஆகிய நிறுவனங்கள் இணைந்து உருவாக்கி வருகின்றன. 2017-ம் ஆண்டு தொடங்கப்பட்ட இந்தத் திட்டம், ஆரம்பத்தில் 2020-ம் ஆண்டிலேயே முடிக்கப்பட்டிருக்க வேண்டும்.

ஏன் இத்தனை தாமதம்?

கோவிட்-19 பெருந்தொற்று மற்றும் சர்வதேச அளவில் ஏற்பட்ட சப்ளை செயின் (Supply Chain) சிக்கல்களால், உயர்தர கட்டுமானப் பொருட்களை இறக்குமதி செய்வதில் பெரிய சவால்கள் எழுந்தன. இதுமட்டுமல்லாமல், Kolkata Municipal Corporation (KMC)-உடன் ஏற்பட்ட சுமார் ₹14 கோடி மதிப்பிலான சொத்து வரி தகராறு காரணமாக, கட்டிட அனுமதி பெறுவதில் பெரும் சிக்கல் ஏற்பட்டது.

தற்போதைய நிலை என்ன?

West Bengal Real Estate Regulatory Authority-ன் தகவல்படி, மொத்தம் உள்ள 137 யூனிட்களில், ஏற்கனவே 105 யூனிட்கள் முன்பதிவு செய்யப்பட்டுள்ளன. தற்போது லிஃப்ட் வசதிகள் மற்றும் வடிகால் அமைப்புகள் போன்ற முக்கிய பணிகளுக்கு அனுமதி பெறப்பட்டுள்ளதாக டெவலப்பர்கள் தெரிவித்துள்ளனர்.

முதலீட்டாளர்களைப் பொறுத்தவரை, இறுதி கட்ட அனுமதி மற்றும் 'Completion Certificate' கிடைத்தவுடன் மட்டுமே வீடுகளை உரிமையாளர்களிடம் ஒப்படைக்கும் பணி தொடங்கும். 2026 இறுதிக்குள் இந்தத் திட்டம் கைகூடுமா அல்லது 2027 வரை நீளுமா என்பதைப் பொறுத்திருந்துதான் பார்க்க வேண்டும்.