இந்தியாவில் உள்ள கட்டிடங்களில் இன்டர்நெட் மற்றும் மொபைல் சிக்னல் பிரச்சனையை தீர்க்க, TRAI புதிய 'Digital Connectivity Rating' முறையை அறிமுகப்படுத்தியுள்ளது. தற்போதைக்கு இது கட்டாயமில்லை என்றாலும், இது ரியல் எஸ்டேட் மற்றும் டெலிகாம் துறையில் பெரிய மாற்றங்களை கொண்டுவரும்.
இந்தியாவின் தொலைத்தொடர்பு கட்டுப்பாட்டு ஆணையமான TRAI, கட்டிடங்களின் வடிவமைப்பில் ஒரு முக்கிய மாற்றத்தை கொண்டு வரத் திட்டமிட்டுள்ளது. இன்டோர் சிக்னல் பிரச்சனைகளைத் தவிர்க்க, 'Digital Connectivity Rating' (DCR) எனப்படும் புதிய ரேட்டிங் முறையை ஊக்குவிக்கப் போவதாக அறிவித்துள்ளது. தற்போது கட்டிடங்கள் கட்டப்பட்ட பிறகு சிக்னல் கிடைக்காமல் செய்யப்படும் மாற்றங்களுக்குப் பதில், கட்டுமானத்தின் போதே இதற்கான ஏற்பாடுகளைச் செய்வதே இந்த திட்டத்தின் நோக்கம்.
ரேட்டிங் முறை எப்படி இருக்கும்?
2026 மே மாதம் புதுப்பிக்கப்பட்ட இந்த DCR கட்டமைப்பு, கட்டிடங்களின் இன்டர்நெட் மற்றும் மொபைல் தரத்தை மதிப்பிட 9-நிலை (nine-level) ஸ்டார் ரேட்டிங் முறையை அறிமுகப்படுத்துகிறது. இது கட்டிடத்தின் திட்டமிடல் (Planning), கட்டுமானம் (Construction) மற்றும் பயன்பாடு (Operation) ஆகிய 3 நிலைகளில் சான்றிதழ் பெற அனுமதிக்கிறது.
முதலீட்டாளர்கள் கவனிக்க வேண்டியது என்ன?
ரியல் எஸ்டேட் நிறுவனங்களுக்கு இந்த திட்டம் ஒரு சவாலாகவும், அதே சமயம் வாய்ப்பாகவும் பார்க்கப்படுகிறது. Distributed Antenna Systems (DAS) மற்றும் In-building Solutions (IBS) போன்ற தொழில்நுட்பங்களை கட்டுமானத்தின் போதே இணைப்பது, ஆரம்பகால முதலீட்டை (Capital spending) அதிகரிக்கும். இருப்பினும், 'டிஜிட்டல் வசதி கொண்ட கட்டிடம்' என்ற பெயரில் கூடுதல் மதிப்பு (Premium) பெற இது உதவலாம்.
டெலிகாம் நிறுவனங்களுக்கு என்ன லாபம்?
டெலிகாம் நிறுவனங்களுக்கு இந்த முயற்சி ஒரு வரப்பிரசாதம். கட்டிடங்களுக்கு உள்ளேயே சிறந்த சிக்னல் கிடைப்பதன் மூலம், கால் டிராப் (Call drops) புகார்கள் குறையும். இது வாடிக்கையாளர் திருப்தியை அதிகரித்து, நிறுவனங்களின் மெயின்டனன்ஸ் செலவைக் குறைக்கும்.
இருப்பினும், இது தற்போது voluntary (விருப்பத்தின் பேரில்) அடிப்படையில் இருப்பதால், அனைத்து டெவலப்பர்களும் இதை ஏற்பார்களா என்பது சந்தேகமே. ஒருவேளை அரசு இதை கட்டாயமாக்கினால் (Mandatory), ரியல் எஸ்டேட் துறையில் பெரிய அளவில் மூலதன செலவு தேவைப்படும். இந்த ரேட்டிங் முறையை முக்கிய டெவலப்பர்கள் தங்கள் ப்ராஜெக்ட்களில் கொண்டு வருகிறார்களா என்பதை முதலீட்டாளர்கள் தொடர்ந்து கண்காணிக்க வேண்டும்.