லுதியானாவைச் சேர்ந்த Richville Infra நிறுவனம், 'Tirthankar Abode' என்ற பெயரில் ₹500 கோடி முதலீட்டில் முதியோர் இல்லத் திட்டத்தை தொடங்கியுள்ளது. சுமார் ₹1,000 கோடி வருவாய் ஈட்ட இலக்கு நிர்ணயித்துள்ள இந்த திட்டம், முதியவர்கள் மற்றும் என்.ஆர்.ஐ (NRI) குடும்பங்களை மையமாக வைத்து உருவாக்கப்படுகிறது.
லுதியானாவின் அயாளி குர்த் (Ayali Khurd) பகுதியில் Richville Infra நிறுவனம் இந்த புதிய குடியிருப்புத் திட்டத்தை அறிவித்துள்ளது. இது வெறும் ரியல் எஸ்டேட் திட்டம் மட்டுமல்ல, வளர்ந்து வரும் முதியோர் பராமரிப்புத் தேவையைப் பூர்த்தி செய்யும் நோக்கத்தில் உருவாக்கப்படும் ஒரு பிரத்யேக கட்டமைப்பாகும்.
திட்டத்தின் சிறப்பம்சங்கள்
மொத்தம் 4.59 ஏக்கர் பரப்பளவில் அமையும் இந்த திட்டத்தில், முன்பதிவு செய்த உடனேயே ஹெல்த் மற்றும் இன்சூரன்ஸ் பலன்கள் கிடைக்கும் என்பது இதன் கூடுதல் சிறப்பு. அவசர கால மருத்துவ உதவி மற்றும் ஆப் (App) மூலமான சேவைகள் எனத் நவீன தொழில்நுட்பத்துடன் இது வடிவமைக்கப்பட்டுள்ளது. கட்டுமானப் பணிகள் தற்போது நடைபெற்று வரும் நிலையில், 2029 மார்ச் மாதத்திற்குள் இந்தத் திட்டத்தை முடித்து ஒப்படைக்க நிறுவனம் இலக்கு வைத்துள்ளது.
வளர்ந்து வரும் டயர்-2 சந்தை
முன்பெல்லாம் முதியோர் இல்லங்கள் மெட்ரோ நகரங்களில் மட்டுமே கவனம் செலுத்தி வந்தன. ஆனால், தற்போது டயர்-2 மற்றும் டயர்-3 நகரங்களில் இத்தகைய வசதி கொண்ட குடியிருப்புகளுக்கான தேவை அதிகரித்துள்ளது. மாறிவரும் குடும்ப அமைப்பு மற்றும் புலம் பெயர்தல் இதற்கு முக்கிய காரணங்களாகப் பார்க்கப்படுகின்றன.
கவனிக்க வேண்டியவை
முதலீட்டாளர்கள் ஒரு முக்கியமான விஷயத்தைப் புரிந்துகொள்ள வேண்டும்: Richville Infra ஒரு அன்லிஸ்டட் (Unlisted) நிறுவனம். எனவே, பொதுப் பங்குச் சந்தையில் உள்ள நிறுவனங்களைப் போல இவர்களின் நிதிநிலை அறிக்கைகள், கடன்கள் குறித்த வெளிப்படையான தகவல்கள் பொதுவெளியில் அவ்வளவாக இருக்காது. மேலும், ரியல் எஸ்டேட் திட்டங்களில் கட்டுமான தாமதம், ஆர்.இ.ஆர்.ஏ (RERA) சார்ந்த சட்ட சிக்கல்கள் போன்ற இடர்பாடுகள் எப்போதும் உண்டு. ₹1,000 கோடி வருவாய் என்பது நிறுவனத்தின் கணிப்பு மட்டுமே என்பதால், சந்தை சூழல் மற்றும் விற்பனை வேகத்தைப் பொறுத்தே இது அமையும்.