நீங்கள் ஒரு Resale அப்பார்ட்மெண்ட் வாங்கும்போது, முந்தைய உரிமையாளர் கட்டாத மெயின்டனன்ஸ் அல்லது இதர கட்டணங்கள் உங்களுக்கு சட்டரீதியான சுமையாக மாற வாய்ப்புள்ளது. சொத்து கைமாறும் முன் 'No-Dues Certificate' வாங்குவது மிக அவசியம்.
பலர் Resale வீடு வாங்குவது சுலபம் என நினைக்கிறார்கள், ஆனால் கவனிக்கப்பட வேண்டிய மிக முக்கியமான விஷயம் பழைய உரிமையாளர் கட்டாமல் விட்டுள்ள மெயின்டனன்ஸ், தண்ணீர் கட்டணம் அல்லது இதர நிலுவைகள். விற்பனை பத்திரத்தில் கையெழுத்திட்ட பிறகு கூட, சொத்தின் மீதான கடன் உங்கள் தலையில் வந்து சேர வாய்ப்புள்ளது.
பொறுப்பு யாருடையது?
வீடு வாங்கிய பிறகு, அந்த தேதியிலிருந்து வரும் செலவுகள் மட்டுமே நமக்கு உரியது என பலரும் நினைக்கிறார்கள். ஆனால், பல ஹவுசிங் சொசைட்டிகளின் விதிகள் மற்றும் நீதிமன்றத் தீர்ப்புகள் வேறு மாதிரியாக உள்ளன. குறிப்பாக, ஜூலை 2026-ல் வெளியான பம்பாய் உயர் நீதிமன்றத் தீர்ப்பின்படி, நிலுவைத் தொகைகள் சொத்துடனும் பிணைக்கப்படலாம். அதாவது, வீட்டின் உரிமையாளராக நீங்கள் மாறியதும், அந்த பழைய கடனை அடைக்க வேண்டிய கட்டாயம் உங்களுக்கு ஏற்படலாம்.
உங்களை எப்படி பாதுகாத்துக்கொள்வது?
வெறும் வாய்மொழி வாக்குறுதிகளை மட்டும் நம்பாதீர்கள். ஹவுசிங் சொசைட்டி அல்லது ரெசிடென்ட்ஸ் அசோசியேஷன் அலுவலகத்திடம் இருந்து முறையாக ஸ்டாம்ப் செய்யப்பட்ட 'No-Dues Certificate (NDC)' பெறுவது கட்டாயம். அதில் மெயின்டனன்ஸ், தண்ணீர் கட்டணம் அல்லது சிறப்புப் பராமரிப்பு கட்டணங்கள் எதுவும் பாக்கி இல்லை என்பது தெளிவாக குறிப்பிடப்பட்டிருக்க வேண்டும்.
மேலும், விற்பனை ஒப்பந்தத்திலேயே (Sale Agreement) 'Indemnity Clause' எனப்படும் பாதுகாப்பு விதியைச் சேர்க்க வேண்டும். இதன் மூலம், விற்பனை தேதிக்கு முன் உள்ள அனைத்து கடன்களுக்கும் பழைய உரிமையாளரே பொறுப்பு என்பதை உறுதிப்படுத்தலாம். சொத்தை வாங்கும் போது, ஒரு 'Clean Title'-ஐ மட்டும் பார்க்காமல், 'Clean Ledger'-ஐயும் சரிபார்ப்பது உங்கள் பணத்தைப் பாதுகாக்கும்.