Lodha: புதிய உச்சத்தில் விற்பனை! ஆனாலும் பங்கு சரிய காரணமானது என்ன?

Macrotech Developers (Lodha) நிறுவனம், 2026 நிதியாண்டின் நான்காம் காலாண்டில் (Q4 FY26) தங்களது இதுவரை இல்லாத அதிகபட்ச காலாண்டு ப்ரீ-சேல்ஸ் ஆன ₹5,890 கோடியை பதிவு செய்துள்ளது. இது கடந்த ஆண்டை விட 23% அதிகமாகும். முழு நிதியாண்டு 2026-க்கு, மொத்த ப்ரீ-சேல்ஸ் ₹20,530 கோடியாக உயர்ந்து, 16% வளர்ச்சியைப் பெற்றுள்ளது.

இந்த சிறப்பான விற்பனையைத் தொடர்ந்து, கம்பெனியின் வசூல் (Collections) இந்த காலாண்டில் 18% ஆண்டுக்கு ஆண்டு உயர்ந்து ₹5,230 கோடியாக பதிவாகியுள்ளது. இது முந்தைய காலாண்டை விட 47% அதிகமாகும். கட்டுமானப் பணிகளை விரைவுபடுத்தியது இந்த வசூலை அதிகரிக்க உதவியுள்ளது. இதன் மூலம், கம்பெனிக்கு ₹800 கோடி கடன் சுமையைக் குறைத்துள்ளது.

மேலும், கம்பெனி தனது எதிர்கால திட்டங்களுக்காக (Project Pipeline) புதிய நிலங்களை வாங்கியுள்ளது. மும்பை மெட்ரோபொலிட்டன் ரீஜியனில் ₹1,300 கோடி மதிப்புள்ள ஒரு புதிய திட்டத்தை சேர்த்துள்ளனர். 2026 நிதியாண்டுக்கு மட்டும், முக்கிய சந்தைகளில் 12 புதிய திட்டங்கள் அறிவிக்கப்பட்டுள்ளன. இதன் மொத்த மதிப்பு சுமார் ₹60,000 கோடி என மதிப்பிடப்பட்டுள்ளது, இது நிர்ணயிக்கப்பட்ட ஆண்டு இலக்குகளை விட அதிகமாகும்.

இருப்பினும், ஈரானில் நிலவும் போர் போன்ற புவிசார் அரசியல் பதற்றங்கள், மார்ச் மாத விற்பனையை பாதித்துள்ளன. இதன் காரணமாக சில பரிவர்த்தனைகள் தாமதமாகின. இதனால், விற்பனை இலக்குகளில் ₹470 கோடி பற்றாக்குறை ஏற்பட்டுள்ளது. ஏப்ரல் 1 நிலவரப்படி, கம்பெனியின் மொத்த சொத்து மதிப்பு சுமார் ₹2 டிரில்லியன் என தெரிவிக்கப்பட்டுள்ளது. எதிர்காலத்தில் பணப்புழக்கத்தை (Free Cash Flow) அதிகரிக்க, அடுத்த இரண்டு ஆண்டுகளில் வணிக மேம்பாட்டு செலவுகளை (Business Development Spending) சரிசெய்யவும் Lodha திட்டமிட்டுள்ளது.

இப்படியொரு சூழலில், ஆண்டு முழுவதும் பெரிய முதலீடுகள் செய்தபோதிலும், Macrotech Developers தனது நெட் டெப்ட்-டு-ஈக்விட்டி விகிதத்தை (Net Debt-to-Equity Ratio) 0.23x ஆக சிறப்பாகப் பராமரித்துள்ளது. இந்த விகிதம், கம்பெனியின் உள் இலக்கான 0.5xக்குக் கீழே உள்ளது. இது கம்பெனியின் வலுவான நிதி நிலையைக் காட்டுகிறது. இருந்தபோதிலும், புவிசார் அரசியல் காரணங்களால் பங்கு சரியத் தொடங்கியது.