டெல்லி டெவலப்மெண்ட் அத்தாரிட்டி (DDA) 'Awaas Nivesh Yojana 2026' என்ற புதிய வீட்டு வசதித் திட்டத்தைத் தொடங்கியுள்ளது. இதில் நரேலாவில் உள்ள **2,516** வீடுகள் சந்தை விலையை விட **25%** தள்ளுபடியில் வழங்கப்படுகின்றன.
விலையும் கூடுதல் கட்டணங்களும்
இந்தத் திட்டத்தில் வீடுகளின் விலை அந்தந்த லொகேஷனைப் பொறுத்து மாறுபடுகிறது. Pocket 6-ல் உள்ள வீடுகள் சுமார் ரூ. 14.95 லட்சம் விலையிலும், செக்டார் G-2 முதல் G-6 வரையிலான Pocket 3-ல் உள்ள வீடுகள் ரூ. 15.01 லட்சம் விலையிலும் தொடங்குகின்றன. கவனித்தில் கொள்ள வேண்டிய விஷயம் என்னவென்றால், இந்தத் தொகை வீட்டின் அடிப்படை விலை (Base Price) மட்டுமே. இதனுடன் தண்ணீர் இணைப்பு கட்டணம், மெயின்டனன்ஸ் கட்டணம் மற்றும் கன்வர்ஷன் சார்ஜஸ் போன்ற கூடுதல் செலவுகளை நீங்கள் கவனிக்க வேண்டும்.
முன்பதிவு விவரங்கள்
விண்ணப்ப செயல்முறை முழுக்க முழுக்க டிஜிட்டல் மயமாக மாற்றப்பட்டுள்ளது. இதற்குத் தேவையான ப்ரோச்சர் அக்டோபர் 13 அன்று வெளியானது. அக்டோபர் 14 மதியம் 12:00 மணிக்கு பதிவு தொடங்கும். விண்ணப்பதாரர்கள் திரும்பப் பெற முடியாத (Non-refundable) பதிவு கட்டணமாக ரூ. 2,500 செலுத்த வேண்டும். வீட்டை உறுதி செய்ய ரூ. 1 லட்சம் முன்பணமாகச் செலுத்த வேண்டும். அக்டோபர் 20 மதியம் 12:00 மணிக்கு 'First-come, first-served' அடிப்படையில் முன்பதிவுகள் தொடங்கும்.
கவனிக்க வேண்டிய சவால்கள்
விலை குறைவாக இருந்தாலும், நீண்ட கால அடிப்படையில் இந்த லொகேஷனின் வளர்ச்சியைச் சரிபார்ப்பது அவசியம். நரேலா பகுதியில் பொதுப் போக்குவரத்து மற்றும் சமூக உள்கட்டமைப்பு வசதிகள் இன்னும் முழுமையடையவில்லை. தற்போது ரின்தலா-நரேலா-குண்ட்லி (Rithala–Narela–Kundli) மெட்ரோ பாதை திட்டங்கள் செயல்பாட்டில் இருந்தாலும், அவை எப்போது முழுமையாகச் செயல்பாட்டுக்கு வரும் என்பது முக்கியமானது. எனவே, முதலீடு செய்யும் முன் அப்பகுதியின் தற்போதைய வசதிகளை நேரில் ஆய்வு செய்வது நல்லது.