மக்களின் கேள்விகளுக்கு முற்றுப்புள்ளி வைக்கும் வகையில், UPI பரிவர்த்தனைகள் பயனர்களுக்கு தொடர்ந்து இலவசமாகவே இருக்கும் என மத்திய அரசு உறுதி செய்துள்ளது. வரி மற்றும் இதர சட்டங்கள் (திருத்த) மசோதா, 2026 நிறைவேற்றப்பட்ட நிலையில், சில வணிகப் பரிவர்த்தனைகளுக்கு எதிர்காலத்தில் கட்டணம் விதிக்கப்படலாம் என்றாலும், சாதாரண பயனர்களுக்கு எந்த பாதிப்பும் ஏற்படாது என அரசு தரப்பு விளக்கமளித்துள்ளது.
UPI பரிவர்த்தனைகள் இனி இலவசம்!
இந்தியாவில் யுனிஃபைடு பேமெண்ட்ஸ் இன்டர்ஃபேஸ் (UPI) மூலம் மேற்கொள்ளப்படும் பரிவர்த்தனைகள், சாதாரண பயனர்களுக்கு தொடர்ந்து இலவசமாகவே இருக்கும் என்று மத்திய அரசு இன்று மிகத் தெளிவாக அறிவித்துள்ளது. சமீபத்தில் மக்களவையில் நிறைவேற்றப்பட்ட 'வரி மற்றும் இதர சட்டங்கள் (திருத்த) மசோதா, 2026' (Taxation and Other Laws (Amendment) Bill, 2026) காரணமாக, டிஜிட்டல் பணப் பரிவர்த்தனைகளின் எதிர்கால கட்டணங்கள் குறித்த பொது விவாதம் எழுந்தது. இதற்கு முற்றுப்புள்ளி வைக்கும் வகையில் இந்த அறிவிப்பு வெளியாகியுள்ளது.
என்ன நடந்தது?
இந்த குழப்பங்களுக்கு முக்கிய காரணம், 'பணம் செலுத்தும் மற்றும் தீர்வு அமைப்புகள் சட்டம், 2007' (Payment and Settlement Systems Act, 2007)-ன் பிரிவு 10A-ல் செய்யப்பட்ட திருத்தம்தான். இதற்கு முன்பு, சட்டப்படி 'ஜீரோ MDR' (Zero MDR) என்ற விதி இருந்தது, இது எந்தவொரு பரிவர்த்தனை கட்டணத்தையும் தடை செய்தது. புதிய திருத்தத்தின் மூலம் இந்த சட்டக் கட்டுப்பாடு நீக்கப்பட்டுள்ளது.
கட்டணம் வருமா?
ஆனால், இது உடனடியாக கட்டணங்கள் விதிக்கப்படும் என்று அர்த்தமல்ல. மாறாக, எதிர்காலத்தில் தேவைப்பட்டால், குறிப்பிட்ட சில வணிகப் பரிவர்த்தனைகளுக்கு மட்டும், குறைந்தபட்ச 'Merchant Discount Rate' (MDR) கட்டணங்களை விதிக்க அரசுக்கு சட்டப்பூர்வமான நெகிழ்வுத்தன்மையை இந்த திருத்தம் வழங்குகிறது. அரசு அதிகாரிகள் இதுகுறித்து கூறுகையில்,