இந்திய ரிசர்வ் வங்கி (RBI) REIT மற்றும் InvIT யூனிட்களின் மதிப்பீட்டில் அதிரடி மாற்றங்களைக் கொண்டுவந்துள்ளது. இனிமேல், வர்த்தகம் செய்யப்படாத யூனிட்களை அவற்றின் நிகர சொத்து மதிப்பு (NAV) அடிப்படையில் மட்டுமே கணக்கிட வேண்டும்.
இந்திய ரிசர்வ் வங்கி (RBI) நாட்டின் முக்கிய நிதி நிறுவனங்கள் (AIFIs) மேற்கொள்ளும் REIT மற்றும் InvIT முதலீடுகளை முறைப்படுத்த புதிய விதிகளை அமல்படுத்தியுள்ளது. NABARD, SIDBI, EXIM Bank, National Housing Bank மற்றும் NaBFID போன்ற பெரிய நிறுவனங்களுக்கு இது பொருந்தும்.
புதிய விதிகளின் முக்கிய அம்சம்:
இனிமேல், சந்தையில் வர்த்தகம் செய்யப்படாத (Unquoted) யூனிட்டுகளை அந்தந்த டிரஸ்ட் வெளியிடும் லேட்டஸ்ட் நிகர சொத்து மதிப்பு (NAV) அடிப்படையில் மட்டுமே நிறுவனங்கள் தங்கள் கணக்கில் காட்ட வேண்டும். இது நிறுவனங்களின் இருப்புநிலை அறிக்கையில் (Balance Sheet) கூடுதல் வெளிப்படைத்தன்மையைக் கொண்டு வரும்.
விதிமீறினால் என்ன நடக்கும்?
இதுவரை இல்லாத ஒரு கடுமையான நடவடிக்கையாக, விதிகளை பின்பற்றாத அல்லது முறையாக வர்த்தகம் செய்யப்படாத யூனிட்களுக்கு RBI ஒரு ‘வேல்யூவேஷன் ஃபுளோர்’ நிர்ணயித்துள்ளது. அத்தகைய சொத்துக்களின் மதிப்பு நிறுவனத்தின் கணக்குப் புத்தகத்தில் வெறும் ₹1 ஆகக் குறைக்கப்படும். SEBI நிர்ணயித்துள்ள தரநிலைகளை முறையாகப் பின்பற்றாத நிறுவனங்கள் இந்த அபாயத்தைச் சந்திக்க நேரிடும்.
இந்த மாற்றம், பெரிய நிதி நிறுவனங்கள் தங்கள் சொத்துக்களை தன்னிச்சையாக மதிப்பிடுவதைத் தடுத்து, துல்லியமான கணக்கீடுகளை உறுதி செய்யும். இந்த புதிய விதிமுறை அமலுக்கு வந்துள்ளதால், சம்பந்தப்பட்ட நிறுவனங்கள் தங்கள் போர்ட்ஃபோலியோவை உடனடியாக ஆய்வு செய்ய வேண்டிய கட்டாயத்தில் உள்ளன.