வங்கிகள் தொழில்நுட்ப மற்றும் செயல்பாட்டு சிக்கல்களை (Tech and Operational Risks), கடன் அபாயத்திற்கு (Credit Risk) இணையான முக்கியத்துவத்துடன் கையாள வேண்டும் என RBI உத்தரவிட்டுள்ளது.
ரிசர்வ் வங்கி (RBI) வங்கித் துறைக்கு விடுத்துள்ள முக்கிய எச்சரிக்கை இது: தொழில்நுட்பம் என்பது இனி ஒரு சாதாரண IT சார்ந்த விஷயம் அல்ல, இது ஒரு முதன்மையான பிசினஸ் ரிஸ்க். துணை ஆளுநர் ஸ்வாமிநாதன் ஜே, வங்கிகள் இனி ஆபரேஷனல் மற்றும் தொழில்நுட்ப சிக்கல்களை, வழக்கமாக பார்க்கும் கிரெடிட் அல்லது மார்க்கெட் ரிஸ்க்குகளைப் போலவே தீவிரமாக கவனிக்க வேண்டும் என்று வலியுறுத்தியுள்ளார்.
பிசினஸ் வியூக்கத்தில் டெக் ரிஸ்க்
சைபர் செக்யூரிட்டி மற்றும் IT விஷயங்களை வெறும் தனித்து செயல்படும் துறைகளாக பார்க்காமல், வங்கிகளின் உயர்மட்ட நிர்வாகம் மற்றும் போர்டு ஆஃப் டைரக்டர்ஸ் நேரடியாக இதில் கவனம் செலுத்த வேண்டும் என்பது RBI-ன் எதிர்பார்ப்பு. குறிப்பாக, AI-மூலமாக நடக்கும் சைபர் தாக்குதல்கள் மற்றும் தேர்ட்-பார்ட்டி வெண்டார் சார்ந்த சிக்கல்களைக் கையாள்வது வங்கிகளின் பிசினஸ் ஸ்டிராட்டஜியில் ஒரு அங்கமாக மாற வேண்டும்.
ஸ்திரத்தன்மைக்கு என்ன ஆபத்து?
இன்றைய டிஜிட்டல் சூழலில், கிளவுட் சர்வீஸ்கள் மற்றும் API-களை அதிகமாக நம்பியிருப்பதால், ஏதேனும் ஒரு சிறிய பாதிப்பு ஏற்பட்டாலும் அது முழு வங்கி நெட்வொர்க்கையும் முடக்கிவிடும் அபாயம் உள்ளது. இதைத் தடுக்க, எந்தவொரு தீவிரமான தொழில்நுட்ப சூழலிலும் வங்கிச் சேவைகள் தடையின்றி இயங்குவதை வங்கிகள் உறுதி செய்ய வேண்டும் என ரிசர்வ் வங்கி கட்டாயமாக்கியுள்ளது.
முதலீட்டாளர்கள் கவனிக்க வேண்டியவை
இந்த பாதுகாப்பு விதிகளை அமல்படுத்துவதால் வங்கிகளுக்கு IT உள்கட்டமைப்பு மற்றும் சைபர் செக்யூரிட்டி தணிக்கை செலவுகள் அதிகரிக்க வாய்ப்புள்ளது. இது குறுகிய காலத்தில் லாப வரம்பில் (Operating Margins) அழுத்தத்தை ஏற்படுத்தினாலும், நீண்ட கால அடிப்படையில் பெரிய இழப்புகளைத் தவிர்க்க இது அவசியமான முதலீடாகப் பார்க்கப்படுகிறது. முதலீட்டாளர்கள், வங்கிகள் தங்கள் நிர்வாகத்தில் இந்த டிஜிட்டல் பாதுகாப்பு சவால்களை எப்படி எதிர்கொள்கின்றன என்பதை வருடாந்திர அறிக்கைகள் மற்றும் பிரசன்டேஷன்கள் மூலம் தொடர்ந்து கண்காணிக்க வேண்டும்.