அக்டோபர் 1, 2026 முதல் பல்க் டெபாசிட் வட்டி விகிதங்களை தினமும் காலை **10:10** மணிக்குள் கட்டாயம் வெளியிட வேண்டும் என RBI உத்தரவிட்டுள்ளது. இதனால் வங்கிகளிடையே போட்டி அதிகரிக்கும் என எதிர்பார்க்கப்படுகிறது.
அக்டோபர் 1, 2026 முதல் வங்கித் துறையில் பெரும் மாற்றம் வரவுள்ளது. இனி ₹3 கோடி மற்றும் அதற்கு மேற்பட்ட பல்க் டெபாசிட்களுக்கான வட்டி விகிதங்களை வங்கிகள் தினமும் காலை 10:00 மணிக்குள் அறிவிக்க வேண்டும். இதற்காக 10:10 மணி வரை கூடுதல் அவகாசம் அளிக்கப்பட்டுள்ளது.
வங்கிகளின் வியூகம்
இந்த புதிய விதியால் வங்கிகளின் டிரஷரி (Treasury) பிரிவினருக்கு ஒரு சிக்கல் எழுந்துள்ளது. பெரும்பாலான வங்கிகள் கடைசி நிமிடமான 10:10 மணி வரை காத்திருந்து தகவல்களைப் பதிவேற்ற வாய்ப்புள்ளது. ஏனெனில், முன்கூட்டியே வட்டி விகிதங்களை வெளியிட்டால், போட்டி வங்கிகள் அதை விட 5 முதல் 10 அடிப்படை புள்ளிகள் (BPS) குறைத்து வட்டி வழங்கி வாடிக்கையாளர்களை ஈர்த்துவிடுவார்கள் என்ற அச்சம் நிலவுகிறது.
Liquidity Coverage Ratio-வின் தாக்கம்
இந்த புதிய விதிமுறைகள் Liquidity Coverage Ratio (LCR) உடன் இணைக்கப்பட்டுள்ளன. அறக்கட்டளைகள் போன்ற நிதி சாரா அமைப்புகளின் டெபாசிட்டுகளுக்கு 40% ரன்-ஆஃப் ரேட் (Run-off rate) நிர்ணயிக்கப்பட்டுள்ளது. அதேசமயம், மற்ற நிதி நிறுவனங்கள் மற்றும் காப்பீட்டு நிறுவனங்களின் டெபாசிட்டுகளுக்கு 100% ரன்-ஆஃப் ரேட் வழங்கப்பட்டுள்ளது.
இதனால், நிதி சாரா நிறுவனங்களை ஈர்க்க வங்கிகள் அதிக வட்டி வழங்க வேண்டிய சூழல் உருவாகும். இது ஒட்டுமொத்த டெபாசிட் சந்தையில் வெளிப்படைத்தன்மையை அதிகரித்தாலும், வங்கிகளிடையே கடும் போட்டியை உருவாக்கும். முதலீட்டாளர்கள் இனி வங்கிகளின் Net Interest Margin (NIM) எப்படி மாறுகிறது என்பதை உன்னிப்பாக கவனிக்க வேண்டும்.