EPFO கொண்டு வந்துள்ள அதிரடி அம்னஸ்டி ஸ்கீம் (Amnesty Scheme) மூலம் நிறுவனங்கள் தங்கள் Provident Fund டிரஸ்ட்களை முறையாகப் பதிவு செய்ய டிசம்பர் 28, 2026 வரை கால அவகாசம் கொடுக்கப்பட்டுள்ளது.
Employees’ Provident Fund Organisation (EPFO) தற்போது பிஎஃப் டிரஸ்ட்களை முறைப்படுத்த ஒரு முக்கியமான காலக்கெடுவை நிர்ணயித்துள்ளது. வரும் டிசம்பர் 28, 2026-க்குள் அனைத்து தகுதியுள்ள நிறுவனங்களும் தங்கள் டிரஸ்ட்களை முறையான சட்ட கட்டமைப்பிற்குள் கொண்டு வர வேண்டும்.
ஏன் இந்த திட்டம் முக்கியமானது?
பல நிறுவனங்கள் வருமான வரித்துறையிடம் அங்கீகாரம் பெற்ற பிஎஃப் டிரஸ்ட்களை வைத்திருந்தாலும், EPF&MP Act, 1952-ன் கீழ் தேவையான 'Exemption Order'-ஐ இன்னும் பெறாமல் உள்ளன. இது போன்ற சட்ட ரீதியான இடைவெளியை (Grey Area) சரிசெய்யவே இந்த அம்னஸ்டி திட்டம் கொண்டு வரப்பட்டுள்ளது.
நிறுவனங்களுக்குக் கிடைக்கும் சலுகை
வழக்கமாக, ஒரு டிரஸ்ட்டுக்கு அங்கீகாரம் பெற குறைந்தபட்ச ஊழியர்கள் எண்ணிக்கை, குறிப்பிட்ட நிதியளவு மற்றும் 3 ஆண்டுகள் தொடர் கம்ப்ளையன்ஸ் டிராக் ரெக்கார்ட் அவசியம். ஆனால், இந்த குறிப்பிட்ட கால அவகாசத்திற்குள் விண்ணப்பிக்கும் நிறுவனங்களுக்கு இந்த நிபந்தனைகள் அனைத்தையும் EPFO தளர்த்தியுள்ளது. இது நிறுவனங்களுக்கு மிகச்சிறந்த வாய்ப்பாகும்.
வருமான வரித்துறையுடன் டேட்டா இணைப்பு
இது வெறும் நிர்வாக நடைமுறை மட்டுமல்ல, ஒரு ரிஸ்க் மேனேஜ்மென்ட் முன்னுரிமை. EPFO தற்போது வருமான வரித்துறையின் டேட்டாவுடன் தனது தரவுகளை இணைத்துள்ளது. இதனால், முறையாக அங்கீகாரம் பெறாத டிரஸ்ட்களை எளிதில் கண்டறிய முடியும். இந்த காலக்கெடு முடிந்த பிறகு, முறையான அனுமதி பெறாத நிறுவனங்கள் மீது கடும் அபராதங்கள் மற்றும் சட்ட நடவடிக்கை எடுக்கப்பட வாய்ப்புள்ளது.
எனவே, கார்ப்பரேட் நிறுவனங்கள் தங்களின் ஆவணங்களை அதிகாரப்பூர்வ போர்ட்டல் மூலம் உடனடியாக சமர்ப்பித்து, எதிர்கால சட்டச் சிக்கல்களைத் தவிர்ப்பது அவசியம்.