பல ஓய்வுக்கால முதலீட்டாளர்கள் IDCW ஆப்ஷனை ஒரு கியாரண்டட் டிவிடெண்டாக நினைக்கிறார்கள், அது தவறு. முறையான வருமானத்திற்கும் வரி சேமிப்பிற்கும் SWP ஏன் சிறந்த வழி என்பதைப் பார்ப்போம்.
பல ஓய்வுக்கால முதலீட்டாளர்கள் மாதம் ஒருமுறை வருமானம் கிடைக்க வேண்டும் என்பதற்காக மியூச்சுவல் ஃபண்டுகளில் IDCW (Income Distribution cum Capital Withdrawal) ஆப்ஷனைத் தேர்வு செய்கிறார்கள். இது ஏதோ நிறுவனத்தின் டிவிடெண்ட் போலத் தெரிந்தாலும், உண்மையில் இது ஃபண்டின் கையிருப்பில் உள்ள லாபத்தை உங்களுக்குத் திருப்பித் தருவதே தவிர, உறுதிப்படுத்தப்பட்ட வருமானம் கிடையாது. ஃபண்ட் மேனேஜர் லாபத்தை அறிவிக்கவில்லை என்றால், உங்களுக்கு வருமானம் கிடைக்காது.
SWP ஏன் சிறந்த தேர்வு?
இதற்குப் பதிலாக ஃபைனான்ஷியல் பிளானர்கள் பரிந்துரைப்பது SWP (Systematic Withdrawal Plan). இதில் நீங்கள் விரும்பும் தொகையை, விரும்பும் தேதியில் மாதந்தோறும் பெற்றுக்கொள்ளலாம். இது ஒரு திட்டமிடப்பட்ட அணுகுமுறை.
வரி சலுகைகள் (Tax Efficiency)
IDCW-ல் வரும் தொகை உங்கள் வருமான வரி ஸ்லாப் (Tax Slab) படி கணக்கிடப்படும். இது அதிக வருமானம் ஈட்டும் நபர்களுக்குப் பெரிய சுமையாக அமையும். ஆனால், SWP-ல் நீங்கள் எடுக்கும் தொகையில், லாபப் பகுதிக்கு மட்டுமே கேப்பிட்டல் கெயின்ஸ் டாக்ஸ் (Capital Gains Tax) விதிக்கப்படும். உதாரணத்திற்கு, ஈக்விட்டி ஃபண்டுகளில் 12 மாதங்களுக்கு மேல் வைத்திருக்கும் முதலீட்டிற்கு, ₹1.25 லட்சம் வரையிலான லாபத்திற்கு மேல் 12.5% மட்டுமே வரி. இது ஸ்லாப் ரேட் வரி விதிப்பை விட மிகக் குறைவு.
கவனிக்க வேண்டிய ரிஸ்க்குகள்
SWP-ல் மிக முக்கியமான விஷயம் கேப்பிட்டல் எரோஷன் (Capital Erosion). நீங்கள் ஃபண்ட் கொடுக்கும் லாபத்தை விட அதிகமாகத் திரும்ப எடுத்தால், முதலீட்டுத் தொகை குறையத் தொடங்கும். எனவே, 3% முதல் 4% வரை மட்டுமே திரும்ப எடுப்பது பாதுகாப்பானது. மேலும், யூனிட்களை முன்கூட்டியே எடுக்கும்போது எக்சிட் லோடு (Exit Load) இருக்கிறதா என்பதையும் சரிபார்க்க மறக்காதீர்கள்.