உங்களுக்குக் கிடைத்த வாரிசு தங்க நகைகளை விற்பனை செய்யும் போது, அந்த வருமானத்திற்கு கேபிடல் கெயின்ஸ் டேக்ஸ் (Capital Gains Tax) உண்டு. ஒரிஜினல் பில் இல்லாவிட்டாலும் Fair Market Value மூலம் வரியைக் கணக்கிட வழி உண்டு.
பரம்பரை சொத்தாகக் கிடைக்கும் தங்க நகைகளை விற்பனை செய்வது என்பது பலருக்கும் இருக்கும் ஒரு நிதி நடவடிக்கை. ஆனால், இதைச் செய்யும்போது வருமான வரிச் சட்டத்தின் (Income Tax Act) கீழ் உள்ள சிக்கல்களைப் புரிந்துகொள்வது அவசியம். தங்கம் வாரிசுரிமையாகக் கிடைக்கும்போது அதற்கு வரி இல்லை, ஆனால் அதை விற்கும்போது 'கேபிடல் அசெட்' (Capital Asset) மாற்றமாகப் பார்க்கப்பட்டு கேபிடல் கெயின்ஸ் வரி விதிக்கப்படும்.
ஹோல்டிங் பீரியட் (Holding Period) முக்கியம்
தங்கம் உங்கள் கைக்கு வருவதற்கு முன்பு, முந்தைய உரிமையாளர் வைத்திருந்த காலத்தையும் சேர்த்துத்தான் நீங்கள் ஹோல்டிங் பீரியடை கணக்கிட வேண்டும். இந்த மொத்தக் காலம் 24 மாதங்களுக்கு மேல் இருந்தால், அது லாங் டெர்ம் கேபிடல் அசெட்டாகக் கருதப்படும். தற்போதுள்ள விதிப்படி, இதற்கான வரி 12.5% ஆகும் (Indexation பலன் கிடையாது). 24 மாதங்களுக்கு குறைவாக இருந்தால், உங்கள் வருமான வரி ஸ்லாப் (Slab) அடிப்படையில் வரி விதிக்கப்படும்.
ஒரிஜினல் பில் இல்லையெனில் என்ன செய்வது?
பல தசாப்தங்களாக குடும்பத்தில் இருக்கும் நகைகளுக்கு பழைய ரசீதுகள் இருக்க வாய்ப்பில்லை. கவலை வேண்டாம், ஏப்ரல் 1, 2001-க்கு முன்பாக வாங்கப்பட்ட தங்கத்திற்கு, அன்றைய தேதியில் இருந்த ஃபேர் மார்க்கெட் வேல்யூவை (Fair Market Value) நீங்கள் ஆதாரமாகக் காட்டலாம். இது உங்கள் வரிச் சுமையைக் கணிசமாகக் குறைக்க உதவும். இதைச் சரிபார்க்க முறையான மதிப்பீட்டு அறிக்கையை (Valuation Report) வைத்திருப்பது மிக அவசியம்.
வரி சேமிப்பு வழிமுறைகள்
வருமான வரிச் சட்டம் பிரிவு 54F-இன் கீழ், தங்கத்தை விற்று வரும் தொகையை இந்தியாவில் ஒரு குடியிருப்பு சொத்தில் (Residential Property) முதலீடு செய்தால், கேபிடல் கெயின்ஸ் வரியிலிருந்து விலக்கு பெற வாய்ப்புள்ளது. இதற்கு சில குறிப்பிட்ட காலக்கெடு மற்றும் நிபந்தனைகள் உண்டு. எனவே, ஆவணங்களைச் சரியாகச் சேமித்து வைத்துவிட்டு, ஒரு ஆடிட்டரின் ஆலோசனையைப் பெற்று வரித் தாக்கலை மேற்கொள்வது புத்திசாலித்தனம்.