நிதி நிபுணர் Sanjay Kathuria சில்லறை முதலீட்டாளர்களுக்கு ஒரு முக்கிய எச்சரிக்கை விடுத்துள்ளார். அங்கீகரிக்கப்படாத ஸ்டாக் டிப்ஸ் மற்றும் F&O ட்ரேடிங் மூலம் குறுகிய காலத்தில் பணம் சம்பாதிக்க நினைப்பது உங்கள் மூலதனத்தை காலி செய்துவிடும் என அவர் கூறியுள்ளார்.
சமீபத்தில் நடைபெற்ற Business Standard BFSI Insight Summit நிகழ்ச்சியில், தற்போதைய சந்தையில் சில்லறை முதலீட்டாளர்கள் சந்திக்கும் அபாயங்கள் குறித்து நிதி ஆலோசகர் Sanjay Kathuria விரிவாகப் பேசினார். குறிப்பாக, பங்குகள் மற்றும் வழித்தோன்றல் சந்தையான (F&O) செக்மெண்டில் வேகமாகப் பணம் சம்பாதிக்க நினைக்கும் முதலீட்டாளர்களுக்கு அவர் கடுமையான எச்சரிக்கை விடுத்துள்ளார்.
F&O ஆபத்துகள்
பல முதலீட்டாளர்கள் ஆபத்துகளைப் புரிந்து கொள்ளாமல், ஒரே இரவில் லாபம் ஈட்டலாம் என்ற நம்பிக்கையில் டெரிவேட்டிவ் செக்மெண்டிற்குள் நுழைகிறார்கள். இந்த ஊக வணிகம் (Speculative trading) இறுதியில் பெரும் மூலதன இழப்புக்கே வழிவகுக்கிறது. சந்தையில் உலாவரும் நம்பகத்தன்மையற்ற டிப்ஸ்கள், அனுபவம் இல்லாத முதலீட்டாளர்களைத் தவறான பாதைக்கு அழைத்துச் செல்வதாக அவர் சுட்டிக்காட்டினார்.
மிஸ்-செல்லிங் (Mis-selling) ஜாக்கிரதை!
ஒரு ரிலேஷன்ஷிப் மேனேஜர் அல்லது ஆலோசகர் ஒரு குறிப்பிட்ட இன்வெஸ்ட்மெண்ட் பிளானை திரும்பத் திரும்ப வற்புறுத்தினால், அது உங்களுக்கு ஏற்றதல்ல என்பதற்கான அறிகுறிதான் என்று Kathuria கூறுகிறார். ஒரு பொருளை வாங்கும் முன் நாம் காட்டும் அக்கறையை, முதலீடு செய்யும் முன்பும் காட்ட வேண்டும் என்று அவர் வலியுறுத்துகிறார்.
நீண்டகால முதலீடுதான் வெற்றியின் ரகசியம்
சந்தையின் தினசரி ஏற்ற இறக்கங்களை (Volatility) பார்த்து பயப்படாமல், நீண்ட கால இலக்குகளை நோக்கி முதலீட்டாளர்கள் பயணிக்க வேண்டும். 30% முதல் 50% வரை வருமானம் தருவதாகக் கூறும் மாய வலைகளில் சிக்காமல், உங்கள் தேவைக்கு ஏற்ற முதலீட்டுத் திட்டங்களைத் தேர்ந்தெடுத்து, பொறுமையுடன் முதலீடு செய்வதே செல்வத்தை உருவாக்க உதவும் சிறந்த வழியாகும்.